सन नेपाल लाइफ इन्स्योरेन्स कम्पनीले लगानीकर्तालाई २३.८ प्रतिशत बोनस शेयर (स्टक डिभिडेन्ट) दिने भएको छ । यसको मतलव १ हजार कित्ता शेयर हुने व्यक्तिले २३८ कित्ता थप शेयर प्राप्त गर्ने भएका छन् ।

हाल ३ अर्ब २० करोड रुपैयाँ कम्पनीले उक्त चुक्ता पूँजीको २३.८० प्रतिशत बोनस शेयर दिने निर्णय गरेको हो।

संचालक समितिले ७६ करोड १६ लाख बराबरको बोनस शेयर र त्यसमा लाग्ने कर प्रयोजका निम्ति भनेर अर्को ४ करोड ८४ हजार रुपैयाँ नगद लाभांश दिने निर्णय गरेको छ।

बोनस सेयर वितरणपछि कम्पनीको चुक्ता पूँजी ३ अर्ब ९६ करोड १६ लाख रुपैयाँ पुग्नेछ।

यसरी कायम हुने चुक्ता पूँजीमा फेरि हकप्रद शेयर जारी गर्ने निर्णय कम्पनीले गरेको छ । पूँजी बढाउनका लागि २७ प्रतिशत हकप्रद शेयर दिने निर्णय भएको कम्पनीले जनाएको छ। तर यो निर्णय नेपाल बीमा प्राधिकरणबाट स्वीकृत भएपछि मात्रै साधारण सभावमा प्रस्ताव लैजान पाइन्छ । सभाले पारित गरेपछि भने यसलाई कार्यान्वयनमा लगिने छ ।

यसरी यी दुई व्यवस्था कार्यान्वयनमा आएपछि अहिले १०० कित्ता सेयर हुने व्यक्तिसँग १५७ कित्ता सेयर हुने छ । तर त्यसका लागि उक्त शेयर धनीले ३३०० रुपैयाँ थप लगानी पनि गर्नुपर्ने हुन्छ ।