नेपाल इन्भेष्टमेन्ट मेगा बैंकले आफ्नो शाखा विस्तार गरेको छ। बैंकले बिहीबारदेखि काठमाडौंमा थप २ वटा शाखा संचालनमा ल्याएको छ।

बैंकले स्वयम्भू र बालाजुमा नयाँ शाखा खोलेको हो। बैंकका प्रमुख कार्यकारी अधिकृत ज्योतिप्रकाश पाण्डेले शाखा उद्‍घाटन गरे। उनले नयाँ शाखाबाट ग्राहकलाई उत्कृष्ट बैंकिङ सेवा दिने बताए।

बैंकले गत महिना काठमाडौंको अनामनगर र शंखमुल तथा ललितपुरको सातदोबाटो र भैंसेपाटीमा नयाँ शाखा खोलेको थियो।

स्वयम्भू र बालाजुमा नयाँ शाखा संचालनमा आएपछि बैंकको शाखा संख्या २६८ पुगेको छ।