नेपालको प्राइभेट सेक्टरको सबैभन्दा ठूलो र पूरानो बैंक नबिल बैंक एक पछि अर्को गर्दै विवादमा फस्दै आएको भेटिएको छ । एनबी बैंकका कर्मचारीलाई रुवाबासी गराँउदै घर पठाएको नबिल बैंक भित्र दर्जनौ ठूला कर्जा खराब कर्जामा परिणत भएको खुलेको छ । यसै पनि एनबी बैंक भित्र सयौं ठूला कर्जा उठेको थिएन । नबिल बैंकमा एनबी बैंक मर्जर भएपछि नबिल बैंक भित्र डरलाग्दो कर्जा काण्ड फेला परेको छ । आफूलाई डन बैंकर भन्ने कांग्रेसी बैंकर ज्ञानेन्द्र ढूंगानाले उद्योगी विनोद चौधरीलाई बंगलादेश पुगेर कौडीको मूल्याङ्कनमा प्रमोटर शेयर दिलाए वापत नबिल बैंकको सिइओ गिफ्ट पाएका थिए । तर, उनी १० वर्ष सीइओ भएको एनबी बैंकका करिब १०० जना कर्मचारीहरुलाई आँखाबाट धरधरी आँसु खसाल्दै घर पठाएका डन बैंक बैंकर हुन् । यो पापधुरीबाट कराउन शुरु भएको एक बैंकरले पंक्तिकारलाई बताए । करिब १७ लाख तलब भत्ताका साथ नबिल बैंकको सीइओ बनेका ढुंगानको विगत राम्रो छैन । अनिल शाह जस्ता दिगज बैंकरलाई पाखा लगाएर बैंक नबिल बैंक आएको भन्दै नबिल बैंकका कर्मचारीलाई तर्साउने र यूनियनका कर्मचारीको जगिर खाईदिने धम्की दिँदै आएको एक कर्मचारीले बताए ।

आफूलाई भेट्रान बैंकर बताउने नबिल बैंकका अध्यक्ष एवं नेपाल बैंकर्स संघका पूर्व सभापति उपेन्द्र पौड्याल र डन बैंकर एवं कांग्रेसी कार्यकर्ता सीइओ ज्ञानेन्द्र ढुंगानाको कोर बैकिङ्गले हावा खाएको भेटिएको छ ।
नबिल बैंकले सुधिर बस्नेतको कर्जा उठाउन नसकेर कर्जा असुली न्यायाधिकरणमा पठाएको भेटिएको छ । साँवा ब्याज गरि जनताको डिपोजिटबाट दिएको ५० करोड पैसा नबिल बैंकले सुधिर बस्नेतको सम्पत्ती विक्रीबाट पनि उठाउने नसकेको हो । यसको अर्थ सम्पत्ती सबै विक्री गर्दा यो पैसा उठ्दैन कारण हो त्यसबेला धितो मुल्याङ्कनमा चलखेल भएको प्रस्टै देखिन्छ । स्मरणीय होस्ः– जनताको डिपोजिटमा बैंकका सीइओ ढुंगाना र अध्यक्ष पौड्याललाई खेलवाड गर्ने अधिकार छैन ।

कथा यस्तो छः– सुधीर बस्नेतले नबिल बैंकको करिब ५० करोड ऋण तिरेनन्, सात दिनभित्र पैसा तिर्न कर्जा असुली प्राधिकरणले आदेश दिएको छ । कर्मचारी सञ्चय कोषले दुई–दुई पटक लिलामीमा राख्दासमेत बिक्री नभएको कोहिनुर हिल हाउजिङ प्रालिका मालिक सुधीर बस्नेतलाई नबिल बैंकको ऋण तिर्न डाकिएको देखिन्छ । मंगलबार सात दिने सूचना जारी गर्दै ऋण असुली न्यायाधिकरणले नबिल बैंकको करिब ५० करोड रुपैयाँ तिर्न ताकेता गरेको छ ।
नबिल बैंकसहित कर्मचारी सञ्चय कोष लगायतसँग ऋण लिएर बस्नेतले कोहिनुर हिल हाउजिङ निर्माण गर्न खोजेका थिए । उनले ऋण चलाए पनि घर बनाउन सकेनन् । राष्ट्र बैंकले घरजग्गामा कडाइ गरेपछि बैना–बैनामा कारोबार गर्दै आएका बस्नेत चुर्लुम्म डुबेका थिए त्यस बेला ।

ओरियन्टल सहकारीको मुद्दामा त उनी प्रहरी हिरासतमै पनि बसेका थिए । न्यायाधिकरणले २०७७ पुस ७ गते भएको निर्णय र गत वैशाख २३ गते भएको आदेश अनुसार ठहर भएको रकम भुक्तानी गर्न ताकेता गरेको हो ।
बस्नेतले ३२ करोड ४५ लाख ४८ हजार तिर्नु पर्ने ठहर भएको छ । यसबाहेक साँवा रकम १४ करोड ६ लाख पनि भुक्तानी गर्नु पर्ने ठहर भएको छ । यही पैसा तिर्नका लागि प्राधिकरणले ताकेता गरेको हो । पैसा नउठेपछि नबिलले प्राधिकरणमा मुद्दा हालेको थियो । जनताको डिपोजिटबाट दिएको लाख होइन ५० करोड कर्जा उठाउने जिम्मा नबिल बैंकका सीइओ ढुंगानाको हो कि होइन ? यसबारे उनीसंग सम्पर्क गर्न पटक÷पटक फोन गर्दा उठाएनन् ।