‘बैंक पनि साथी पनि हाम्रो पनि राम्रो पनि’ नारा दिएर आक्रमकरुपमा व्यवसाय विस्तार गर्दै आएको मुलुककै सबैभन्दा ठूलो शाखा सञ्जाल र ग्राहक भएको एनआईसी एशिया बैंकको तेस्रो त्रैमासिकका सबै सुचाङ्कहरुले छलाङ्ग मारेको छ भन्दा अब फरक पर्दैन । रोशन कुमार न्यौपाने सीइओ रहेको एनआईसी एशिया बैंकको कोर बैकिङ्ग टिमकै कारण बैंकले एक पछि अर्को प्रगतिमा फड्को मार्दै आएको हो भन्दा अन्यथा नहोला । डिपोजिट संकलन र कर्जा विस्तारमा सबै बैंक भन्दा नम्बर १ बन्दै आएको यस बैंकको प्रगति लोभ लाग्दो देखिन्छ ।

आर्थिक वर्ष २०७८/७९ को तेस्रो त्रैमाससम्म आइपुग्दा विभिन्न सूचकांकमा एनआईसी एसिया बैक शीर्ष पोजिसनमा रहन सफल भएको छ । बैंकिङ क्षेत्रको विभिन्न वित्तीय तथा गैरवित्तीय सूचकाङ्कहरूमा अग्रणी स्थानमा रहेको यस बैंक चालु आर्थिक वर्ष २०७८/७९ को तेस्रो त्रयमासमा कर्जा विस्तार, निक्षेप सङ्कलन, प्रति शेयर आम्दानी, स्व–पुँजीमा प्रतिफल, ग्राहक सङ्ख्या, शाखा सङ्ख्या, विस्तारित काउन्टर सङ्ख्या, एटिएम सङ्ख्या, डेबिट कार्ड प्रयोगकर्ता, मोबाइल बैंकिङ प्रयोगकर्ता र सञ्चालन मुनाफा (कर्जा नोक्सानी व्यवस्था तथा कर्मचारी बोनस अघिको) मा मुलुकका अन्य वाणिज्य बैंकहरूमध्ये पहिलो स्थान (ग्राहक सङ्ख्यामा निजी बैंकहरुमा पहिलो) ओगट्न सफल भएको हो । बैंकले आ.व. २०७८÷७९ को तेस्रो त्रयमाससम्ममा कुल कर्जा प्रवाह २७४.७४ अर्ब रुपैयाँ पुर्याउन सफल भएको छ । साथै, निक्षेपतर्फ कुल निक्षेप सङ्कलन ३०२.८१ अर्ब रुपैयाँ पुर्याएको छ ।

बैंकले यस त्रयमासमा खुद मुनाफातर्फ ३.६० अर्ब रुपैयाँ आर्जन गर्न सफल भएको छ । जुन वार्षिक विन्दुगत आधारमा २० प्रतिशतको वृद्धि हो । यसैगरी बैंकको स्व–पुँजीमा प्रतिफल २१.४६ प्रतिशत रहेको छ, जुन २७ वटै वाणिज्य बैंकहरूमध्ये सबैभन्दा बढी हो । साथै, यस बैंकले वार्षिक प्रति शेयर आम्दानी ४१.९४ रुपैयाँ आर्जन गर्न बैंक सफल भएको छ । जुन २७ वटै वाणिज्य बैंकहरूमध्ये सबैभन्दा उच्च रहेको छ र यस वर्ष निरन्तर रूपमा हरेक त्रयमासमा नतिजा हासिल गर्न सफल भएको छ । पाँच वर्षको अवधिमा बैंकको कुल कर्जा, निक्षेप सङ्कलन, प्रतिशेयर आम्दानी, स्व–पुँजीमा प्रतिफल, शाखा सङ्ख्या, विस्तारित काउन्टर सङ्ख्या, एटिएम सङ्ख्या, डेबिट कार्ड प्रयोगकर्ता सङ्ख्या र मोबाइल बैंकिङ्ग प्रयोगकर्ता सङ्ख्यामा मुलुकको नम्बर वान बैंक बनेको छ भन्दा फरक पर्दैन ।

त्यसैगरी कुल ग्राहक सङ्ख्यामा निजी क्षेत्रका बैंकहरुमा एनआईसी एसिया बैंक सबैभन्दा अगाडी रहेको छ । नयाँ ग्राहक बनाउन पनि यो बैंक निकै आक्रामक रूपमा अगाडि बढेको छ । पहिले चमत्कारिक बचत योजनाबाट धेरै सफल प्राप्त गरेको बैंकले अहिले सर्वश्रेष्ठ बचत खाता ल्याएको छ । जसमा उपलब्ध हुने सर्वाधिक फाइदाले एनआईसी एसिया बैंकले नेपालको बैंकिङ क्षेत्रमा नौलो पहिचान बनाउन सफल भएको कुरा बैंकका प्रमुख कार्यकारी अधिकृत रोशन कुमार न्यौपाने बताउँछन् । एनआईसी एसिया बैंकको ३५९ शाखा पुगिसकेका छन् । यो मुलुकमै सबैभन्दा धेरै शाखा सञ्चालन गर्ने बैंक हो । त्यसैगरी एटिएम सङ्ख्यामा समेत अन्य बैंकभन्दा सबैभन्दा बढी अर्थात् ४७३ वटा एटिएम एनआईसी एसिया बैंकले सञ्चालन गरिसकेको छ र विस्तारित काउन्टरको हकमा समेत एनआईसी एसिया बैंक १०२ वटा सहित सबैभन्दा अगाडी रहेको छ ।

मोबाइल बैंकिङ्ग सेवामा पनि एनआईसी एसिया बैंक नेपालको वाणिज्य बैंकमा सबैभन्दा अगाडि रहेको छ । बैंकको एप डाउनलोडदेखि यसको प्रयोगमा यो बैंकले सबैलाई धेरै पछि पारेको छ । यी डिजिटल माध्यमबाट बैंकिङ्ग कारोबारमा अझ धेरै सहज, सबल, गतिशील, विश्वसनीय र उत्तरदायी बैंकिङ्ग स्थापित भएको छ । एनआईसी एसिया बैंकमा हाल मोबाइल बैंकिङ प्रयोगकर्ता १९ लाख १४ हजार १ सय १० भन्दा बढी पुगिसकेका छन् । यस वर्षको तेस्रो त्रैमाससम्म यस बैंकको खुद नाफा ३ अर्ब ६० करोड ४५ लाख ९८ हजार रुपैयाँ छ । यो नाफा सबै वाणिज्य बैंकमध्ये ग्लोबल आईएमई बैंकपछि दोस्रो ठूलो हो । कोभिड–१९ को विषम परिस्थितिमा समेत बैंकले कर्जा असुलीमा निकै उत्साहजनक नतिजा हासिल गर्न सफल भई निष्क्रिय कर्जालाई तेस्रो त्रैमाससम्ममा ०.५१ प्रतिशतमा सीमित राख्न बैंक सफल भएको देखिन्छ ।
एनआईसी एसिया बैंकका प्रमुख कार्यकारी अधिकृत रोशन कुमार न्यौपाने वि. सं. २०७५ मंसिरमा एनआईसी एसिया बैंकमा सिइओ नियुक्त हुँदै गर्दा मुलुककै कान्छो सीइओ भनेर चर्चा बटुलेका थिए ।

३८ वर्षको उमेरमै सीईओ भएपछि निरन्तर रूपमा यसरी लागे जसले गर्दा बैंकमात्र उत्कृष्ट भएनन् आफ्नो क्षमतालाई पनि एक नयाँ उचाइमा पुर्याउन सफल भएका छन् । एनआईसी एसिया बैंकलाई मुलुकका वाणिज्य बैंकहरुमध्ये नम्बर वान बैंक बनाएबापत विभिन्न राष्ट्रिय तथा अन्तर्राष्ट्रिय सम्मान र पुरस्कार सीइओ न्यौपानेले पाएका छन् । यही चैत २६ गते उनी ‘म्यानेजर अफ दि इयर अवार्ड–२०२२’ बाट समेत सम्मानित भए । व्यवस्थापनकर्मीहरूको सर्वोच्च निकाय नेपाल व्यवस्थापन संघ (म्यान) ले दिने यो पुरस्कार निकै सम्मानित मानिन्छ । साथै, उनी ‘प्रबल जनसेवा श्री (चतुर्थ)’ सम्मानित भएका थिए । उनले राष्ट्रपति विद्यादेवी भण्डारीबाट उक्त पुरस्कार ग्रहण गरे भने अन्तर्राष्ट्रिय स्तरको अर्को पुरस्कारबाट पनि सम्मानित भएका छन् । उनी ग्लोबल बिजनेस आउटलुक (जीबीओ) बाट ‘बैंकिङ्ग सीईओ अफ दि इयर–नेपाल २०२१ बाट सम्मानित समेत भइसकेका हुन् । भन्दा फरक पर्दैन ।

सीइओ न्यौपानेले पाएको अर्को पुरस्कार हो ‘कर्पोरेट सीईओ अफ दि इयर, २०७८’ । सीईओ भएको साढे तीन वर्षमा बैंकले नम्बर वान बनाएका न्यौपानेले एकपछि अर्को गर्दै सम्मान र पुरस्कार पाउनुमा उनको उत्कृष्ट प्रदर्शन नै हो । ‘मेरो इमानदारिता र उत्कृष्ट काम ठहर्याएर मलाई राष्ट्रपतिदेखि म्यानसम्मले सम्मान प्रकट गर्नुभएकोमा म एकदमै खुसी छु सीइओ रोशन कुमार न्यौपानेले आर्थिक बजार न्यूजडटकमसंग भने यो सम्मान मसंगै मेरो टिमको उत्कृष्ट प्रदर्शनले प्राप्त गर्न सफल भएका हौँ ।
वि. सं. २०५५ विराटनगरबाट क्षेत्रीय बैंककोरूपमा शुरु भएको बैंक हरेक सूचकाङ्कमा पहिलो बन्न सफल भएको न्यौपानेको दाबी छ । विराटनगरमा नेपाल इन्डष्ट्रियल एण्ड कमर्शियल (एन आई सी) बैंक लिमिटेड स्थापना हुँदा एउटा शाखा, १९ जना कर्मचारी, ८ करोड १२ लाख ५० हजार चुक्ता पुँजी रहेको थियो । यो बैंक सञ्चालनमा आएको २४ वर्ष पुगिसकेको छ । यस अवधिमा बैंकले प्रगतिको छलाङ मारेर शिखरको चुचुरोमा पुग्न सफल भएको सीइओ न्यौपानेको भनाई छ ।