• होमपेज
  • बीमा
  • सूर्या लाईफको मोबाइल एप उद्घाटन

सूर्या लाईफको मोबाइल एप उद्घाटन

  • आइतवार, पुस २५, २०७८
सूर्या लाईफको मोबाइल एप उद्घाटन

सूर्या लाईफ इन्स्योरेन्सले कम्पनीको मोबाइल एप उद्घाटन गरेको छ । कम्पनील १३ औं वार्षिक साधारण सभाको अवसर पारेर एप उद्घाटन गरेको हो ।

कम्पनीले बीमित तथा अभिकर्तालाई आफ्नोपन महशुस हुने गरी थप सेवा सुविधा प्रदान गर्ने उद्देश्यले बीमा सेवा आफ्नै औंलामा भन्ने अवधारणा सहित एपको शुभारम्भ गरेको जनाएको छ ।

एपको प्रयोग गरी बीमा योजनाहरु खरिद गर्न सकिने सुविधा कम्पनीले मिलाएको छ । एन्ड्रोइड तथा आईओएस प्रविधीमा चलाउन सकिने कम्पनीको एप प्ले स्टोर तथा एप स्टोरबाट डाउनलोड गर्न सकिने कम्पनीले जनाएको छ ।

कम्पनीका अनुसार एप मार्फत कम्पनी तथा कम्पनीका बीमा योजनाहरु र बीमाशूल्कको सम्बन्धमा जानकारी प्राप्त गर्न सकिन्छ । कम्पनीका अभिकर्ताले आफ्नो र आफ्नो मातहतमा रहेका अन्य अभिकर्ताहरुले गरेको ब्यवसाय तथा बीमा योजना र बीमाशूल्क गणना सम्बन्धी जानकारी प्राप्त गर्न सकिने सुविधा एपमा रहेको छ । बीमितले एप मार्फत बीमाशूल्क भुक्तानी गर्न, बीमालेख तथा बीमाशूल्क भुक्तानीको विवरण प्राप्त गर्न सक्नेछन् । कम्पनीको एपलाई डाउनलोड गर्ने तरिका तथा प्रयोग विधिको सम्बन्धमा युट्युबमा हेर्न सकिने ब्यवस्था समेत मिलाईएको कम्पनीले जनाएको छ ।

Facebook Comments

सम्बन्धित समाचार