माछापुच्छ्रे बैंकका प्रमुख कार्यकारी अधिकृत (सीईओ) सन्तोष कोइरालाले एक बर्षमा १ करोड २८ लाख रुपैयाँ पारिश्रमिक तथा भत्ता वापत रकम बुझेका छन् । बैंकले सार्वजनिक गरेको गत आर्थिक बर्ष २०७७–७८ अनुसार बैंकका सीईओ सन्तोष कोइरालाले १ करोड २८ लाख ६१ हजार रुपैयाँ पारिश्रमिक, भत्ता तथा सुविधा बुझेका छन् । बोनस रकमलाई यहाँ उल्लेख गरिएको छैन् ।

त्यस्तै, बैंकका अनुसार नायव महाप्रवन्धक तथा प्रवन्धकहरुले गत आर्थिक बर्ष २०७७–७८ मा १३ करोड ४३ लाख ८५ हजार रुपैयाँ पारिश्रमिक, भत्ता तथा सुविधा बुझेका छन् । बैंकले प्रमुख कार्यकारी अधिकृत र नायव महाप्रवन्धक तथा प्रवन्धकलाई गरी १४ करोड ७२ लाख ४६ हजार रुपैयाँ पारिश्रमिक तथा भत्ता प्रदान गरेको छ ।

सञ्चालकहरूलाई पारिश्रमिकको व्यवस्था गरिएको छैन । सञ्चालक समितिको बैठकमा भाग लिए वापत प्रतिबैठक अध्यक्षलाई १५ हजार रुपैयाँ र सञ्चालकलाई १२ हजार रुपैयाँ भत्ता उपलव्ध गराइएको छ । यस बाहेक प्रति महिना पत्रपत्रिका, मोवाइल तथा ईन्टरनेट खर्च बापत १० हजार रुपैयाँ उपलव्ध गराउने ब्यबस्था रहेको बैंकले जनाएको छ । साथै रु. ५० लाख बराबरको सामुहिक दुर्घटना बीमा गरिएको छ । बैंकको स्वीकृत नियमानुसार कर्मचारीहरुलाई उपलब्ध गराईएको दुर्घटना तथा औषधोपचार खर्चको बिमा प्रिमियम बैंकले ब्यहोर्दै आएको छ ।

सोही बमोजिम गत आर्थिक बर्ष २०७७–७८ मा बैंक सचालक समिति अध्यक्ष डा.विरेन्द्र प्रसाद महतोले ३ लाख ६० हजार रुपैयाँ, सञ्चालकहरु रोसन के.सी.ले २ लाख ६४ हजार रुपैयाँ, गोपीकृष्ण न्यौपानेले १ लाख ५६ हजार रुपैयाँ, जय मुकुन्द खनालले १ लाख ३२ हजार रुपैयाँ, विश्व प्रकाश गौतमले २ लाख ७६ हजार रुपैयाँ, हरिभक्त सिग्देलले १ लाख ३२ हजार रुपैयाँ, मुकुन्द महतले २ लाख ७६ हजार रुपैयाँ, सिर्जना कार्की भट्टराईले ९६ हजार रुपैयाँ बैठक भत्ता बुझेका छन्