एभरेष्ट बैंक लिमिटेडको २७ औं बार्षिक साधारण सभा सम्पन्न भएको छ | भर्चुअल माध्यमबाट सम्पन्न साधारण-सभाले लेखापरीक्षकको प्रतिवेदनसहित आर्थिक बर्ष २०७७ /०७८ को आर्थिक विवरण, वासलात, नाफा नोक्सान हिसाब र सोही अवधिको नगद प्रवाह विवरण, नाफा नोक्सान बाँडफाँड हिसाब र बार्षिक प्रतिवेदन पारित गरेको छ |

साधारण सभाले शेयरधनीहरुलाई आ.ब २०७७/०७८ का लागि ६% का दरले हुने रु. ५३,३६,२३,०३१/- बराबरको बोनस शेयर र ४.३२% का दरले हुने रु. ३८,४२,०८,५८३/- बराबरको नगद लाभांश (बोनस शेयरमा लाग्ने कर समेत ) वितरण गर्ने प्रस्ताव पारित गरेको छ |

बैंकले प्रस्तावित रु. ५३,३६,२३,०३१/- बराबरको बोनस शेयर वितरण भए पश्चात हालको जारी र चुक्ता पूँजी रु. ८,८९,३७,१७,१७८/- बाट बृद्धि भई रु. ९,४२,७३,४०,२०९/- हुने भएकोले जारी र चुक्ता पूँजी बृद्धि गर्न प्रबन्धपत्र संशोधन गर्ने प्रस्ताव साधारणसभाले पारित गरेको छ |

बैंकको साधारणसभाले आ.ब २०७८/७९ को लागि सुन्दर एंड कम्पनी, चार्टर्ड एकाउन्टेन्टसलाई लेखापरीक्षकमा नियुक्त गर्ने निर्णय सर्वसम्मतिबाट पारित गरेको छ |