सरकारले सुनमा दुईथरी भन्सार शुल्क लगाउने गरेको छ। ब्यवसायीका लागि मगाइने सुनमा प्रति १० ग्राम ८५०० रुपैयाँ भन्सार शुल्क लाग्छ। बैंकहरुले आफ्नो लोगो अंकित सुन वा अन्य गहना वा प्रतिमा ल्याएमा १५ प्रतिशत शुल्क लाग्छ।

अब भने सबै खाले सुन वा बैंकले लोगो अंकित गरेर ल्याएको सुनमा पनि प्रति १० ग्राम ८५०० रुपैयाँ भन्सार शुल्क लाग्ने छ।

आजको दिनमा प्रति १० ग्राम सुनको मूल्य ७७४२० रुपैयाँ छ। यसमा भन्सार शुल्क ८५०० रुपैयाँ घटाउँदा ६८ हजार ९२० रुपैयाँ पर्छ। अब यसको १५ प्रतिशत १० हजार ३३८ रुपैयाँ हुन्छ। यस हिसाबले अब बैंकलाई प्रति १० ग्राम यस्तो खालको सुन ल्याउँदा १८ सय ३८ रुपैयाँ सस्तो पर्छ।

बाणिज्य बैंकहरुले सर्वसाधारण जनतालाई बिक्री गर्न आफ्नो लोगो अंकित स-साना परिमाणमा सिक्का बनाएर सुन ल्याउन सक्छन्। यस्तो अभ्यास केही बर्षअघि एक/दुई वटा बैंकले गरेका थिए। तर महँगो भन्सार परेपछि उनीहरुले रोकेका थिए।