एभरेष्ट बैंक लिमिटेडले साझा सेवा (सहकारी संस्था)ले संचालन गरेका पेट्रोलपम्महरुमा क्युआर कोडबाट भुक्तानी गर्न सकिने सेवा शुरु गरेको छ । बैंकले समाजमा रहेको ठुलो तथा फैलिएको वर्गलाई अत्याधुनिक बैंकिङ्ग सेवा र सुबिधाहरु उपलब्ध गराउनका लागि, साझा सेवा (सहकारी संस्था)ले संचालन गरेका पेट्रोलपम्महरुमा एभरेष्ट बैंकको क्युआर कोडबाट भुक्तानी गर्न सकिने सेवा शुरु गरेको हो ।

यस सेवाको शुभारम्भ एभरेष्ट बैंकका बागमती प्रदेश प्रबन्धक सन्तोष भट्टराई र साझा सेवा सहकारी संस्थाका प्रमुख कार्यकारी अधिकृत दिनेश पौडेलले संयुक्त रुपमा गरेका छन् ।

सो कार्यक्रममा साझा सेवाका प्रमुख लेखा अघिकृत दिवाकर श्रेष्ठ, एभरेष्ट बैंकका बजार विभाग प्रमुख पुष्पराज उप्रेती, एभरेष्ट बैंकका पुल्चोक शाखाका शाखा प्रबन्धक लव कुइकेल लगायत अन्य विशिष्ट व्यक्तिहरुको उपस्थिती रहेको थियो ।

साझाका पेट्रोलपम्पबाट पेट्रोलियम पदार्थ किनेपछि बैंकको क्युआर कोडबाट भुक्तानी गर्दा रियल टाइममा नै साझा सेवा ९सहकारी संस्था०को पुल्चोकस्थित शाखामा रकम जम्मा हुने व्यवस्था मिलाएको बैंकले जनाएको छ ।