नेपाल प्रहरीका आईजीपीको खास भन्दै एक वृत प्रमुख डिएसपी निरन्तर आफ्नो धन्दा मच्चाएको खबर छ ।

पछिल्लो पटक नेपाल प्रहरीको कालिमाटी प्रहरी वृतका प्रमुख एबं डिएसपी अपिल बोहोराले सर्वसाधारण नागरिक र प्रहरीहरुलाई अनावस्यक दुःख दिने, अर्थ संकलन गर्ने जस्ता अनुसाशनहिन ब्यवहार प्रर्दशन गर्ने गरेको भन्दै भित्रभित्रै भुषको आगो झै चर्चा चुलिएको छ ।

उनको कार्यशैलीले कतिपय प्रहरीहरु भित्रभित्रै मुर्मुरिएका छन् समाचार स्रोतले भन्यो ।

यस अघि पनि विवादमा तानिएका वृतका प्रमुख एबं डिएसपी बोहोराको कार्यशैलीले केहि प्रहरी अधिकारीहरु नै तनावमा परेको खबर प्रहरी हेडक्वाटर नक्साल सम्म फैलिएको हो ।

विश्वव्यापी महामारीका रूपमा फैलिएको कोरोना भाइरस (कोभिड–१९) को सङ्क्रमण डटेर खटिएका वृत मातहतका प्रहरीलाई मनोबल बढाउनुको साटो निकै तनाव दिने गरेको गुनासो फैलिएको हो ।

बोहोराले कालिमाटी बृत सम्हालेसँगै लामपाटी,बल्खु,कुलेश्वर,बाफल,कलंकी,सोल्टी लगायतका प्रहरी कार्यलय प्रमुख मध्ये केहिलाई “यसो मेसो मिलाउनु“ भन्दै दबाब दिने गरेको एक प्रहरी अधिकारीले गुनासो ब्यक्त गरेका छन् ।

त्यसैगरि उनले म नेपाल प्रहरीको संगठन नेतृत्व गरिरहनु भएका आईजीपी सैलेश थापा क्षेत्रीको नातेदार हुँ कसैले समाचार लेख्दैमा केहि नहुने भन्दै उनले कालिमाटी क्षेत्रका व्यापारी,हुण्डी ब्यावसायीहरुसँग हिमचिम मच्चाएकाछन् । एक अग्रवाल व्यापारीसँग मिल्ने र अर्को व्यापारीलाई सताउने धन्दा बढेको गुनासो छ । कालिमाटी प्रहरी वृतका डिएसपी बोहोराको धन्दा छताछुल्ल हुने क्रमसँगै उनको विगत पनि उस्तै विवादित दृखिएको छ । असईबाट प्रहरी सेवामा भर्ना भएका डिएसपी बोहोरा गौशाला,सिंहरवार वृत लगायतका स्थानमा उस्तै विवादित कार्य गर्दैै आएको उनलाई नजिकबाट चिन्ने प्रहरी अधिकारीहरु बताउछन् ।

यसअघि एक काण्डमा तत्कालिन डिआईजी जयबहादुर चन्दलाई समेत आखा छलेर राम्रै रकम जोहो गरेको चर्चा अझै सेलाएको छैन् । सिंहरवार प्रहरी बृतको सुनकाण्डमा एकको ज्यानै गएपछि निलम्बन समेत भएका थिए उनी । कालिमाटी प्रहरी वृतको जिम्मा लिएकै केहि दिनमा हिरासतमा लिइएकाहरु २ जना भागेको घटनाले पनि उनलाई कुनै प्रभाव परेन् । उनी प्रहरी अधिकारीमा सबै भन्दा विवादित सुचीमा छन् तर शक्तीको अगाडि कसैको केहि लाग्दैन् प्रहरी हेडक्वाटरमा यस्तै चर्चा छ ।

डिएसपी बाहोरालाई सबै भन्दा बढि संरक्षण आईजीपी थापा क्षेत्रीलेनै गरिरकाछन् स्रोत भन्छ । उनको कार्यशैलीबाट मेट्रो वान अर्थात एआईजी हरि पाल र किलो वान अर्थात एसएसपी अशोक सिंह वाक्क भएकाछन् । उनको बारेमा धेरै उजुरी परिरहेकाछन् । डिएसपी साप बोहोराले हामीलाई ’हप्कीदप्की’ सहित “यसो मेसो मिलाउन“ दबाब दिनुहुन्छ भन्दै मातहतका कार्यलय समाल्ने प्रहरी प्रमुखहरु चिन्तित भएको स्रोतले जनाएको छ । डिएसपी बाहोराको कार्यशैली अहिले सम्मकै कार्यलय प्रमुखको तुलनामा फितलो भएको स्थानियहरु खुलेरै बताउछन् ।

बिभिन्न प्रकारका ब्यावसायीहरुलाई अनावस्यक तवरबाट दुःख दिने डिएसपी बाहोराको मनसाय छ ।

कलंकी क्षेत्रका होटल,रेष्टुरेष्ट,लज,टिकट काउण्टर लगायतका ब्यापारीहरु प्रहरीको यस्तै रबैया कायम रहे आफ्नो ब्यावसायको ताल्चा कालिमाटी वृतमा बुझाएर पत्रकार सम्मेलन गर्ने जनाउ दिएकाछन् ।

जसका कारण जनता माझ न्यायोचित तवरबाट काम गर्न निकै गाह्रो भयो,म त निकै तनावमा पो परेको छु,वृत मातहतमा कार्यरत प्रहरी अधिकारीको भनाई हो यो ।
डिएसपी बोहोराले यस अघि बाफल पुल,मेघा बैंकेट र बल्खु पुलमा नागरिकलाई अनाहेकमा कुटे । यस्तो अधिकार उनले काहाँबाट पाए ? सर्वसाधारण र प्रहरीहरुले नै औंला उठाएका छन् ।

समय मिल्यो की सोल्टी मोडको एक रेष्टुरेण्टमा बसेर डिएसपी बोहोराले विवादास्पद गतिबिधि गर्ने गरेको स्रोतले खबर दिएको छ ।

राजन भुजेलको उक्त रेष्टुरेन्टमा के हुन्छ ? धन्दा प्रहरी हेडक्वाटर आईजीपी सचिवालयमा पटक पटक मौखिक उजुरी पुगेको छ ।

भुजेलको  रेष्टुरेन्टमा जस्तै लामपाटीको मन्दिर भित्र पनि विवादस्पद गतिबिधि हुने गरेको स्रोतले जनाएको छ । यस्ता गतिबिधिमा बोहोरा सामेल हुने गरेका छन् ।
आइजीपी ’साप’ घुमुवाहरुको अनैतिक काम रोकीएको छैन् । सिमित प्रहरी अधिकारीहरुको भनाईलाई भर पर्दै नबस्नुहोस् । शान्ती सुरक्षा,अमन चयन राख्न सुचनाका लागि घुमुवाहरु आवस्यक होला ? तर खटिएका घुमुवाहरु आर्थिक कारोबारलाई मध्यनजर गर्दे हाकिमलाई ’उ त्यो’ व्यवसायीलाई दुःख दिए पैसा झर्छ भन्ने प्रवृतीमा घुमुवाहरु प्रयोग भइरहेका छन् । समयमै ध्यान जान जरुरी छ ।

कालिमाटी प्रहरी वृतमा झण्डै दश भन्दा बढि घुमुवा कुद्छन् । उनीहरुको स्कुटी र मोटरसाईकल आम्दानीको स्रोत जुटाउन तल्लिन भएको आरोप छ ,खबर राजतिलक साप्ताहिकमा छ ।