विश्वव्यापारी महामारीको रुप फैलिएपछि कोरोना भाइरस रोकथाम, नियन्त्रण तथा उपचारका लागि नेपालमा सरकारले बनाएको कोषमा सेञ्चुरी कमर्शियल बैंकले पनि ८५ लाख रुपैयाँ सहयोग गरेको छ ।

बैंकका सीईओ तुलसीराम गौतमका अनुसार कोभिड १९ नियन्त्रणको लागि आफुहरु पनि नेपाल सरकारको साथमा रहेको जनाउदै सरकारको संघीय कोरोना राहत कोषमा ५० लाख रुपैयाँ सहयोग दिईएको हो । त्यस्तै, सातै प्रदेशका सरकारहरुले अलग्गै खडा गरेका कोषहरुमा ५।५ लाखका दरले सहयोग गरिने सीईओ गौगमले जनाएका छन् ।

बैंकले आज बिहिबार मात्रै कोरोना कोषहरुमा सहयोग गर्ने निर्णय गरेको हो । सेञ्चुरी बैंकले लकडाउनको अवधिमा पनि आफ्ना केही शाखाहरुबाट सिमित बैंकिङ सेवा उपलब्ध गराईरहेको छ । बैंकले आफ्ना ग्राहकहरुलाई एटीएम तथा मोबाइल बैंकिङ सेवा उपयोग गर्न प्रेरित पनि गर्दै आईरहेको छ ।