किसान पाइप प्रडक्ट्स प्रालीले आफ्नोे नयाँ उत्पादन सिपिभिसी पाइप काठमाडौंमा एक भव्य कार्यक्रम सहित “किसान DURASTREAM” पाइप बजारमा सार्वजनिक गरेको छ ।
जापानको विश्व प्रसिद्ध सिक्वीसी कम्पनीको लोकप्रिय सिपिभिसी उत्पादन DURASTREAM नेपाली साझेदरीका रुपमा हामीले सिपिभिसी पाइप उत्पादन सुरु गरेको हो ।

जापानीज कम्पनीबाट कच्चा पदार्थ आयात गरी जापानी प्रविधि र गुणस्तरका मापदण्डलाई अक्षरसः पालना गर्दै उत्पादित किसान सिपिभीसी पाइपलाई आम नेपाली उपभोक्ताले रुचाउनु हुनेछ भन्ने हाम्रो दृढ विश्वास छ । किसानले यस अघि बजारमा प¥याएका सबै उत्पादनहरु आम नेपाली उपभोक्तामाथी अत्यधिक लोकप्रिय रहेका छन् र ति सबैले नेपाल गुणस्तर चिन्ह पनि प्राप्त गरिसकेका छन् ।

सिपिभीसीले पनि निकट भविष्यमै नेपाल गुणस्तर चिन्ह (एनएस) प्राप्त गर्ने प्रतिवद्धता पनि व्यक्त गर्दछौं, कम्पनीका एम.डि. पाण्डेले भन्नुभयो ।
देशभर रहेका किसानका ४ सय भन्दा बढी वितरकहरु मार्फत सिपिभिसी पाइप सहजै उपलब्ध हुने छन् र यसमा ५० वर्षको ग्यारेण्टी पनि प्रदान गरिएको छ । ०.५ इञ्चदेखि २ इञ्च साइजमा यी सिपिभीसी पाइप उपलब्ध छन् ।

त्यसका साथै किसानले सि.पि.भि.सि. फिटिङग्सका समान पनि उपलब्ध गर्दै आएको जानकारी गराइयो । नवलपरासीको बर्दघाटमा आफ्नो उद्योग रहेको किसान पाइपले आम उपभोक्ताको माग अनुसार आफ्ना उत्पादनहरु बजारमा उपलब्ध गराउने क्षमता समेत रहेको छ ।

बार्षिक करोडांैकोे व्यवसाय गर्दै आएको किसान पाइप प्रडक्ट्सले आफ्ना उपभोक्ताहरुलाई दिर्घकालसम्म निरन्तर साथ दिईरहने प्रवन्ध निर्देशक अजय कुमार पाण्डेले बताए ।