• होमपेज
  • समाचार
  • चिनियाँ विदेशमन्त्री आज नेपाल आउँदै

चिनियाँ विदेशमन्त्री आज नेपाल आउँदै

  • आइतवार, भदौ २२, २०७६
चिनियाँ विदेशमन्त्री आज नेपाल आउँदै

नेपालको परराष्ट्र मन्त्रालयले पनि एक औपचारिक विज्ञप्ति जारी गर्दै मन्त्री ज्ञवालीको निमन्त्रणामा चिनियाँ विदेश मन्त्री वाङ ३ दिने भ्रमणका लागि नेपाल आउन लागेको उल्लेख गरेको छ ।

परराष्ट्रमन्त्री प्रदीप ज्ञवालीको औपचारिक निमन्त्रणामा १९ सदस्यीय टोलीको नेतृत्व गर्दै वाङ नेपाल आउन लागेका हुन् । पाकिस्तान हुँदै नेपाल आउने आउने वाङलाई परराष्ट्र मन्त्रालयका सचिव शंकरदास वैरागीले त्रिभुवन अन्तर्राष्ट्रिय विमानस्थलमा स्वागत गर्नेछन् ।

विदेशमन्त्री वाङले राष्ट्रपति विद्यादेवी भण्डारी र प्रधानमन्त्री केपी शर्मा ओलीलाई शिष्टाचार भेट गर्ने कार्यक्रम तय भएको छ । ती भेटहरुमा चीनले अघि बढाएको बेल्ट एन्ड रोड इनिसियटिभ (बीआरआई), चिनियाँ सहयोगमा नेपालमा निर्माणाधीन परियोजनाबारे छलफल हुने परराष्ट्रमन्त्रालयले जनाएको छ ।

परराष्ट्रमन्त्रीस्तरीय द्विपक्षीय वार्तामा तातोपानी र केरुङ नाकाका अध्यागमनमा सहजता, रसुवाको टिमुरेमा बनाइने ड्राइपोर्टलगायतका भौतिक संरचना, चीन(काठमाडौं रेलमार्ग निर्माणलगायतका विषयमा छलफल हुने एजेण्डा परराष्ट्रले तय गरेको छ ।

मन्त्री ज्ञवालीले आफ्ना चिनियाँ समकक्षीसँग सोमबार प्रतिनिधिमण्डस्तरीय द्विपक्षीय वार्ता गर्नुहुनेछ भने सोही दिन चिनियाँ विशिष्ट पाहुनाहरूको सम्मानमा रात्रिभोज आयोजना गर्नुहुनेछ ।

समाचार स्रोतका अनुसार वाङको भ्रमण तालिका यस्तो रहेको छ
आईतबार अपरान्ह चार्टड प्लेनबाट ४ः२० बजे अन्तराष्ट्रिय विमानस्थलमा अवतरण हुने छन् । विदेशमन्त्री वाङले सोमबार ४ बजेदेखी ४ः३० बजेसम्म आधा घण्टा राष्ट्रपति विद्यादेवी भण्डारीलाई भेट्ने तय भएको छ ।

वाङले साँझ ५ बजेर १० मिनेट सम्म प्रधानमन्त्री केपी शर्मा ओलीलाई भेट्ने तालिका तय भएको छ । त्यसपछि उनले नेपालका समकक्षी प्रदिप ज्ञवालीसँग साढे ६ बजेसम्म भेटवार्ता गर्नेछन् । सोमबार साँझ उनी परराष्ट्रमन्त्रीले दिएको रात्रीभोजमा सहभागि हुने कार्यक्रम तय भएको छ ।

मंगलबार विहान चिनियाँ विदेशमन्त्री वाङले नेकपाका अध्यक्ष पुष्पकमल दाहाल प्रचण्ड’सँग ९ः३० बजे सम्म भेटवार्ता गर्ने छन् । त्यसपछि प्रमुख प्रतिपक्षी दल नेपाली काँग्रेसका सभापति शेरबहादुर देउवालाई ९ः३० देखी १० बजे सम्म भेट्ने तय भएको परराष्ट्र मन्त्रालय श्रोतले जानकारी दियो । मन्त्री वाङ यी मंगलबार दिउसो १ बजे स्वदेश फर्कने कार्यक्रम छ ।

Facebook Comments

सम्बन्धित समाचार