भूपेन्द आचार्य । हेर्दा पनि घिन लाग्ने देख्दा त घृणा नै लागेर आउने । यस्तो एउटा बैंकरले अर्को बैंकर माथी गर्दछ ? भन्दा पत्याउनै गाह्रो होला तर त्यस्तो रोचक घटना घटेको छ । सनराईज बैंक लिमिटेड भित्र । सनराईज बैंकका सीइओ रत्नराज्य बज्रचार्यले आफ्नो ४ वर्षको कार्यकाल पुरा गरिहिँडेपछि सीइओ खोजी गर्ने क्रममा सनराईज बैंक सञ्चालक समितिले निरज श्रेष्ठ, जनक शर्मा पौडेल र लक्ष्मण रिसाललाई कुराकानी गरेको थियो ।

सनराईज बैंकको ७ जनाको सञ्चालक समितिले सीइओ पदमा निरज श्रेष्ठलाई नियुक्ति ग¥यो । लक्ष्मण रिसाल आफ्नै बाटो लागे तर ग्लोबल आईएमई बैंक चलाउन नसकि ११ महिनामै राजिनामा दिएका सीइओ जनक शर्मा पौडेल चुप लागेनन् । पौडेलले बैंकले नियुक्त गरिएका सीइओ निरज श्रेष्ठलाई बैंक नजाने वातावरण बनाउन लागे । पौडेलले विवादास्पद सञ्चालक शैलेन्द्र गुरागाईलाई उचालेर भाडभैलो मच्चाए र आफू सीइओ बन्न अर्थमन्त्री डा. युवराज खतिवडा र राष्ट्र बैंकका डिपुटी गर्भनर चिन्तामणी शिवाकोटी मार्फत अध्यक्ष मोतीलाल दुगडलाई फोन गराए । केही नलागेपछि सैलेन्द्र गुरागाईलाई माइनेटमा हस्ताक्षर गर्नबाट रोके यो कस्तो बैंकिङ्ग प्रणाली हो गर्भनर साब ?

सनराईज बैंकमा आफू सीइओ बन्न जनक शर्मा पौडेलले अझै पनि अर्थमन्त्री मार्फत राष्ट्र बैंकका उच्च कर्मचारीलाई दवाव दिँदै आएको सनराईज बैंकका एक सञ्चालकले बताए । ग्लोबल आईएमई बैंकमा १५ लाख तलब मागेपछि चन्द्र ढकालले राजिनामा मागेर हटाएका असक्षम बैंकर पौडेलले फेरी आफ्नो नालायकीपन देखाउँदै आफ्नै साथीको जागिर खाईदिएको ती सञ्चालकले दाबी गरे ।

सनराईज बैंकमा जनक शर्मा पौडेल सीइओ बन्न जे पनि गर्न तयार रहेपनि उनीको सीइओ बन्ने चाहना अब पुरा नहुने एक सञ्चालकले बताए । नेपाल राष्ट्र बैंक बैंकका गर्भनर डा. चिरनजीवी नेपाल समक्ष पुगी सनराईज बैंकका डिपुटी सीइओ आशा अधिकारी (राणा)ले कुरा गरिदिन आग्रह समेत गरेको र गर्भनरले अध्यक्ष दुगडलाई जनक भन्दा आशा नै ठिक हुने विचार गर्न भनेको राष्ट्र बैंक स्रोतको दाबी छ ।

नेपालको बैंकिङ्ग इतिहासमै सीइओ पद पाउन जे पनि गर्न तयार हुनेहरुले भोलि बैंकको सीइओ पाए बैंकिङ्ग नम्स कस्तो हुने हो यो सहजै विचार गर्न सकिन्छ । राजतिलक साप्ताहिकबाट