शनिबार, मंसिर ८, २०८१
महालक्ष्मी विकास बैँक लि. को १५ प्रतिशत लाभांश घोषणा
- मङ्लबार, भदौ १२, २०७५
महालक्ष्मी विकास बैंक लि.ले गत आर्थिक वर्ष २०७४/७५ को नेपाल फाइनान्सियल रिपोर्टिङ स्ट्यान्डर्ड (एन.एफ.आर.एस) अनुसार वासलात तयार पारेको छ ।
सोही विवरण अनुरुप यस संस्थाको संचालक समितिको बैठकले संस्थाको आर्थिक वर्ष २०७४÷०७५ को मुनाफाबाट आफ्ना सेयरधनीहरुलाई ७ % नगद लाभांश र ८% का दरले बोनस सेयर वितरण गर्ने निर्णय गरेको छ ।
उक्त नगद लाभांश र बोनस सेयर नेपाल राष्ट्र बैंकबाट स्वीकृत भइ संस्थाको निकट भविष्यमा हुने साधारण सभाबाट पारित गरे पश्चात् वितरण गरिने व्यहोरा बैंकले जनाएको छ ।
देशका शहरी तथा ग्रामीण क्षेत्रका विभिन्न स्थानहरुमा ७४ वटा शाखा तथा ३५ वटा एटिएमहरुमार्फत सेवा प्रदान गरिरहेको महालक्ष्मी विकास बैंक लि. को ग्राहक संख्या ४ लाख ७० हजार भन्दा बढी रहेको छ । महालक्ष्मी विकास बैंक लि. को चुक्ता पुँजी रु. २ अर्ब ६३ करोड रहको छ भने बैंकले हालसम्म करिब रु. २७ अर्ब निक्षेप संकलन गरी रु. २१ अर्ब ७५ करोड कर्जा प्रवाह गरेको छ ।
Facebook Comments
