एक मात्र स्याटलाइट प्रविधिमा आधारित डिटिएच सेवा प्रदायक, डिसहोमले उपभोक्ताहरु माझ “Dish Home Free Offer” नामक योजना ल्याएको छ ।

कम्पनीका अनुसार यस योजना अन्तर्गत ग्राहकहरुले डिसहोम रिचार्ज गर्दा जडान उपकरण सित्तैमा प्राप्त गर्न सक्ने छन् । यद्यपी पनि कती रकम रिचार्ज गर्दा डिस होम पाइने त्यो भने उल्लेख नगरि ‘डिस होम अब फ्रिमा’ भन्दै सर्बसाधरण झुक्याउने किसिमको योजना ल्याएको छ ।

यो योजना २०७५ भाद्र १ गते सुरु भई सिमित अवधिको लागी लागु हुने जनाइएको छ । नेपालमा सरकारले लागु गरेको अनिवार्य डिजिटलाइजेशनको नीति नेपालभर लागु भइसकेको अवस्थामा ग्राहकहरुलाई सजिलै गुणस्तरिय डिसहोमको सेवा प्रदान गर्नका लागी भन्दै आम सर्वसाधारणलाई समेत यो सेवामा आकर्षित गर्न यो योजना लागु गरिएको पे्रश विज्ञप्तिमा उल्लेख छ ।

डिसहोमको जडान उपकरणहरु फ्रि मा पाउने भएपछि यो डिजिटल सेवा लिने ग्राहकहरु गुणात्मक रुपमा वृद्धि हुने बताइएको छ ।

डिस होम जोडेर रिचार्ज समय अगाबै टेलिभिजन अबरुद्ध हुने, पानी पर्दा कुनै सिग्नल नै नआउने जस्ता समस्याबाट पीडित आम उपभोक्ता माझ डिस होमले यसरी नै बेला–बेला कुनै बहाना बनाउँदै सर्बसाधरणलाई झुक्याउने अफर ल्याउने गरेको छ ।