शनिबार, मंसिर ८, २०८१
टेलिकमले ल्यायो नमस्ते रिचार्ज कार्ड
- मङ्लबार, साउन १५, २०७५
नेपाल टेलिकमले आप्mना सेवा रिचार्ज गर्नका लागि नमस्ते रिचार्ज ब्रान्डको रिचार्ज कार्ड उपलब्ध गराउने भएको छ । अब सबै रिचार्ज कार्ड ‘नमस्ते रिचार्ज’ को ब्रान्डमा उपलब्ध हुने छन् । यद्यपि, कम्पनीले उपलब्ध गराउँदै आएको एनटी रिचार्ज कार्ड पनि बजारमा स्टक रहेसम्म प्रयोग गर्न सकिने छ ।
कम्पनीले ५०, १००, २००, ५०० र १००० रुपैयाँ दरका नमस्ते रिचार्ज कार्ड उपलब्ध गराउने छ । रिचार्ज गर्नका लागि नमस्ते रिचार्ज कार्डको पछिल्लो भागमा भएको १६ अंकको पिन कोड प्रयोग गरी रिचार्ज गर्नुपर्छ । नेपाल टेलिकमको ल्यान्डलाइन वा मोबाइलबाट १४१५ वा १४१२ डायल गरी प्राप्त निर्देशनअनुसार १६ अंकको पिन कोड थिचेर कम्पनीका विभिन्न सेवामा रिचार्ज गर्न सकिन्छ । जीएसएम मोबाइलका ग्राहकहरुले एस्ट्रिक ४१२ एस्ट्रिक पिन कोड ह््यास डायल गरेर पनि रिचार्ज गर्न सकिन्छ ।
त्यस्तै नेपाल टेलिकमको मोवाइल एप तथा वेबसाइटमार्फत पिन कोड प्रयोग गरी रिचार्ज गर्न सकिन्छ ।
नेपाल टेलिकमले हाल रिचार्ज कार्ड वाहेक इलेक्ट्रोनिक रिचार्ज र एमपोस प्रयोग गरेर समेत रिचार्ज गर्न सकिने व्यवस्था गरेको छ ।
Facebook Comments
