इजरायलले आफ्नो स्थापनाको ७० वर्ष र इजरायली परराष्ट्र मन्त्रालयको अन्तराष्ट्र्रिय सहयोग निकाय (मसाभ) को स्थापनाको ६० बर्ष मनाउँदै छ । सन् १९६० मा दौत्य सम्बन्ध स्थापना भएदेखि नै मसाभले नेपाललाई विकास कार्य, विशेष गरी मानवश्रोतको दक्षता विकासमा सघाउँदै आएको छ ।

इजरायलले आफ्नो स्थापनाको ७० औं अवसरमार काठमाण्डांैस्थित इजरायली राजदूतावासले अपाङ्ग बालबालिकाहरुको हिंडडुलमा पहँुच र आत्मनिर्भरता बृद्धि गरी जीवनमा सहजता ल्याउने विशेष उद्देश्य राखी लायन्स क्लब काठमाण्डौ क्यापिटल डिस्ट्रिक्ट ३२५–ए२ र करुणा फाउन्डेसन नेपाललेको सलग्नतामा ४० वटा इजरायली “व्हिलचियर अफ होप” वितरण गरेको छ ।

परराष्ट्रमन्त्री प्रदीपकुमार ज्ञवालीले उक्त कार्यक्रमा ती अपाङ्ग बालबालिकाहरुलाई ४० वटा इजरायली “व्हिलचियर अफ होप” वितरण गरेका थिए ।

कार्यक्रमा इजरायली राजदूत बेन्नी ओमेरले यस्तो मानवीय कार्यमा राजदूतावासले केही सहयोग गर्न सकेकोमा सन्तुष्टी व्यक्त गर्नुका साथै यस्तो विशेषखालको, हलुका र आरमदायी व्हिलचियरको प्रयोगले यी बालबालिकाहरुमा आफै स्वतन्त्र भएर हिंलडुल गर्न सक्ने क्षमता बढाउने बताए । साथै भविष्यमा पनि यस्ता मानवीय कार्यहरुमा इजरायली राजदूतावासले सहायोग गर्ने प्रतिबद्धता व्यक्त गरे ।

उक्त कार्यक्रममा परराष्ट्रमन्त्री लगायत अन्य वक्ताहरुले शारिरीक रुपले अशक्त बालबालिकाहरुलाई व्हिलचियर वितरण गर्ने राजदूतावासको यो प्रशंसनीय र मानवीय कार्यको सराहना गर्दै यसले ती बालबालिकाहरुलाई हिंडडुल गर्नमात्र होइन जीवनमा पूर्ण क्षमता विकास गर्न पनि सहयोग हुने बताए र साथै राजदूत ओमेरलाई जन स्तरमा सम्बन्ध विकासको पहलका लागि धन्यवाद दिए ।