नेपालको नम्बर १ विकास बैंक कैलाश विकास बैंकमा डिपुटी सीइओदेखि आइटी प्रमुखसम्म करारमा भर्ना गरिएको सुन्दा अचम्म लाग्ला तर, यो सत्य हो ।

बैंक डिपुटी सीइओ (डिजीएम) गंगाधर पराजुलीले राजीनामा दिएपछि बैंक नेतृत्वले कृष्ण गोपाल मानन्धर (६५) वर्षलाई करारमा भर्ना गरेको छ । यो कैलाश विकास बैंकको कर्मचारी नियमावली विरुद्ध गरिएको भनी राष्ट्र बैंकमा उजुरी समेत परेको भेटिएको छ । सीइओ अमृत चरण श्रेष्ठले सबै जस्तो आफ्नो जातका उच्च अधिकृत बैंकमा भर्ना गरेको भन्दै राष्ट्र बैंकमा उजुरी परेको हो ।

यस्तै आइटी प्रमुखमा (६२ वर्ष)का प्रदिप तुलाधर, कम्प्लाइन्स प्रमुखमा ६२ वर्षकै कनैह्यालाल राजवंशी २ वर्षको करारमा ल्याइएको भेटिएको छ ।

सीइओ श्रेष्ठ, डिपुटी सीइओ मानन्धर, आइटी प्रमुख तुलाधर र कम्प्लाइन्स प्रमुख राजवंशी बाहेक अरू उच्च कर्मचारीको सहमती र सहकार्यविना बैंकका सबै निर्णय हुन थालेपछि बैंकका पुराना एवं दक्ष कर्मचारी सीइओ गंगाधर पराजुली र पुतलीसडक शाखाकी महिला शाखा प्रमुखले राजीनामा दिएकी छन् । स्मरणीय रहोस्, ५८ वर्ष माथिकाले बैंकमा जागिर खान कानुनी रूपमा गलत हो ।राजतिलक साप्ताहिक