प्रभु लाइफ इन्स्योरेन्सले सोमवारदेखि पोखरा शाखा कार्यालयबाट कारोबार सुरु गरेको छ । प्रदेश नं. ४ का मुख्य मन्त्री पृथ्वी सुब्बा गुरुङले एक कार्यक्रमकाबीच शाखा कार्यालयको शुभारम्भ गरे ।

कार्यक्रममा मुख्य मन्त्री गुरुङले जीवन बीमाको सम्भाब्य बजार धेरै भएकाले र बीमा कम्पनीहरुले अन्य जीवन बीमा योजना सँगै स्वास्थ्य बीमा योजना समेत सञ्चालन गर्नुपर्नेमा जोड दिए । उनले नयाँ बीमा कम्पनी सञ्चालनमा आउँदा थप रोजगारीका अवसरहरु सृजना हुने तथा बीमा बजारलाई समेत थप विस्तार गर्न सघाउ पुग्ने बताए ।

कम्पनीका अध्यक्ष रामबहादुर पाण्डेले फरक किसिममा र समाजका सवै वर्गलाई समेटने किसिमका बीमा योजनाहरु कार्यान्वयनमा ल्याउने योजना कम्पनीको रहेको बताए ।

कम्पनीका निमित्त प्रमुख कार्यकारी अधिकृत किशोर प्रसाद लामिछानेले कम्पनीका हाल बिभिन्न २० शाखा कार्यालयहरुबाट जीवन बीमा सेवाहरु उपलब्ध रहेको र आगामी दीनहरुमा कम्पनीले देशका सबै जिल्लाहरुमा आफ्नो संजाल बिस्तार गर्ने लक्ष्य रहेको जानकारी गराए ।

दुई अर्ब चुक्ता पूँजी रहेको प्रभु लाइफ इन्स्योरेन्स कम्पनीमा संस्थापक शेयरधनीले १ अर्ब ४० करोड लगानी गरेका छन्। कम्पनीले केही समयभित्रै साठ्ठी करोड रुपैयाँ बराबरको साधारण शेयर जारी गर्ने प्रकृयामा रहेकाे छ ।