नेपाल क्रेडिट एण्ड कमर्स बैंक लि. (एनसीसी बैंक) ले बागलुङ्ग नगरपालिकाको वडा नं. ३, हल्लनचोकमा शाखा कार्यालय स्थापना गरेको छ ।

उक्त शाखाको औपचारिक समुद्घाटन गर्दै बागलुङ्ग नगरपालिकाका प्रमुख जनकराज पौडेलज्यूले एनसीसी बैंक बागलुङ्गमा स्थापना भएकोमा खुशी व्यक्त गर्दै यस क्षेत्रका वासिन्दा तथा व्यवसायीहरुलाई आधुनिक बैकिङ्ग सेवा प्रदान गर्ने बताए । उक्त अवसरमा प्रमुख पौडलले बैंकहरुले संस्थागत सामाजिक उत्तरदायित्वमा समेत सहभागि हुनु पर्नेमा जोड दिए ।

उक्त कार्यक्रमको अध्यक्षता गर्दै बैंक संचालक समितिका अध्यक्ष उपेन्द्र केशरी न्यौपानेले एनसीसी बैंक स्थानीय निकायहरुसंग समन्वय गरी अगाडि वढने बताए ।

एनसीसी बैंकको पछिल्लो वित्तीय विवरण अनुसार बैंकले यस आर्थिक वर्षको तेश्रो त्रैमासिकसम्ममा रु. ५९.१ अर्ब निक्षेप संकलन गरी रु. ५२.१२ अर्ब कर्जा प्रवाह गरेको जनाएको छ । साथै सोही अवधिमा बैंकको खूद नाफा रु. ५४.३१ करोड रहेको छ । गत आर्थिक वर्षको यसै अवधिको खूद नाफा रु. १६.७६ करोडमात्र रहेको थियो ।