नेपालको लागि महिन्द्रा टु ह्वीलहरुको आधिकारिक विक्रेता अग्निमोटो इन्क को आधिकारीक डिलर वारिस अटोमोबाइल्सले हालै 3S अर्थात् सेल्स, सर्भिस र स्पेयर पार्टस्हरुको सेवा प्रदान गर्ने उद्देश्य सहित प्रदेश नं ५ को परासी बजारमा आफ्नो शाखा शोरुमको सुरुवात गरेको छ ।

यो शोरुम वैशाख १ गतेबाट सन्चालनमा ल्याईएको हो । शोरुमको शुभारम्भ पछि यस क्षेत्र तथा आसपासका ग्राहकहरुले सर्वसुलभ एवं सहज तरिकाबाट महिन्द्रा टुह्वीलरको सम्पूर्ण 3S सम्बन्धी गुणस्तरीय सेवा प्राप्त गर्न सक्ने छन ।

कम्पनी केवल सवारी विक्री गर्न तर्फमात्र केन्द्रित नभई ग्राहमुखी सेवा, चुस्त सर्भिस तथा स्पेयर पार्टस्हरुको सर्वसुलभता तर्फ पनि विशेष ध्यान केन्द्र्रित रहेको छ ।

चाहिएको वेला सर्वसुलभ तरिकाबाट बाइक तथा स्कुटर खरिद, सर्भिसिङ्ग तथा समयमै ग्राहकरुलाई स्पेयरपार्टस्हरु उपलब्ध गराई ग्राहकलाई सन्तुष्टि दिनु यस सेन्टरको प्रमुख उद्देश्य रहेको जानकारी वारिस अटोमोबाइल्सका सन्चालक ईरफान वारिसले गराएका छन ।