नेपाल बंगलादेश बैंक लिमिटेड भित्र अहिले जनताको पैसामा फुपूको श्राद्ध भएको छ । एनबी बैंकका सदावहादर सिइओ ज्ञानेन्द्र ढुंगानाको ‘लुटतन्त्र’लाई अंकुश लगाउन बंगलादेशबाट डिपुटी सिइओ Zabid abal ल्याई नियुक्त गरिएको छ । दोस्रो मेन बंगलादेशबाट ल्याएर बैंकमा डिपुटी सिइओ बनाएपछि ढुंगानाको लुट धन्दामा केही हदसम्म अंकुश गरिए पनि अझै रोकिएको भने छैन ।

नेपाल बंगलादेश बैंकका अध्यक्ष JALAL AHMED को सक्रियतामा डिपुटी सिइओ बंगलादेशबाट ल्याई राष्ट्र बैंकबाट स्वीकृत लिइ बैंकमा राखिएको हो ।

बंगालीको ५१ प्रतिशत शेयर भएको एनबी बैंकमा अहिले जीत र लक्ष्मी बहादुर श्रेष्ठको मात्रै ४ प्रतिशत शेयर छ । जीत र लइमी बहादुर श्रेष्ठको खुट्टा समातेर एनसीसी बैंक हुँदै एनबी बैंकमा सिइओ बन्न पुगेका ढुंगानाले चोरबाटोबाट ल्द्य ग्रुपको शेयर कौडीको मूल्यमा बिक्री गरेपछि सो समूह सडकमा पुगेको हो ।

अनिल शाहको २ कार्यकाललाई अंकुश लगाउँदै मेगा बैंकबाट हटाइए पनि ढुंगाना तेस्रो कार्यकालका लागि एनबी बैंकमा सिइओ बने । उनी बिरुद्ध अख्तियार दुरुपयोग अनुसन्धान आयोग र राष्ट्र बैंकमा दर्जनौं उजुरी परेका छन् । उनीलाई भने नयाँ वाफियाले छोएन । त्यस बिरुद्ध राष्ट्र बैंकमा उजुरी परेको छ ।

राष्ट्र बैंकका काँग्रेसी गभर्नर डा.चिरजिवी नेपाल उनीकै मतियार ज्ञानेन्द्र ढुंगानालाई कारवाही गर्न तिर होइन बचाउँन तिर लागेको एक डिपुटी गभर्नरले नाम नलेख्ने शर्तमा राजतिलक साप्ताहिकलाई टेलिफोनमा बताए ।

उनीले थपेः– उजुरी परेका छन् । अख्तियारले सबै फाइल मागेको छ । कारवाहीका कुरा राष्ट्र बैंक बोर्डमा उठेको पनि छ । तर गभर्नर डा. नेपाल ढुंगाना बिरुद्ध कारवाही गर्न नै चाहँदैनन् ।’
राष्ट्र बैंक र अख्तियारमा लगानीकर्ता र सञ्चालकहरुबाटै दर्जनौं उजुरी पुगेपछि बैंकका वंगाली अध्यक्ष JALAL AHMED ले (दोस्रो मेन) डिपुुटी सिइओ बंगदलादेशबाट ल्याएर नियुक्त गरेको एक बैंक सञ्चालकले राजतिलक साप्ताहिकलाई बताए

सिइओ ढुंगाना अर्बपति ?

करिब ८ वर्ष अगाडि एनबी बैंक समाल्न पुगेका काँग्रेसी कार्यकर्ता ज्ञानेन्द्र ढुंगानाको अहिले २ करोडको गाडी, १० करोडको घर र करोडौका जग्गा, शेयर रहेको छ । करिब ६ लाख ५० हजार मासिक तलब लिने ढुंगानाको यत्रो सम्पत्ति कहाँबाट आयो । यसको उत्तर अब राष्ट्र बैंकका काँग्रेसी गभर्नर डा.चिरञ्निजवि नेपालले दिनु पर्दछ कि पर्दैन? यो खोजीको विषय अब बन्नै पर्दछ ।

कर्जा दिँदा कमिशन, कर्मचारी नियुक्ति गर्दा नोट, अफिस भाडामा लिँदा कमिशन, विज्ञापनमा कमिशन, अफिसको गाडी खरिद र शाखा भाडामा लिँदाका कमिशनले आज ढुंगाना रातारात अर्बपति बनेका छन् । उनी अष्ट्रेलियाका ग्रीनकार्ड होल्डर बैंकर समेत हुन् । सबै सम्पत्ति विदेशमा लुकाएको स्रोतको दाबी छ । यस बारेमा सम्पत्ति अनुसन्धान सुद्धिकरण विभागमा उजुरी समेत परेको छ ।

किन हुँदैन छनवीन ?

एनबी बैंकका सिइओ ढुंगाना बिरुद्ध अख्तियारमा सयौं उजुरी परेका छन् । जीतबहादुर र लक्ष्मीबहादुर श्रेष्ठ, लगानीकर्ता र सञ्चालकहरुले नै उजुरी दर्ता गरेको फेला परेको छ । तर, उनी बिरुद्ध किन कारवाही भएको छैन । कथा मिठो छ । राष्ट्र बैंकका पूर्व कर्मचारी एवं काँग्रेसी कार्यकर्ता ढुंगानाका ससुरा अख्तियारका पूर्व प्रमुख आयुक्त सूर्यनाथ उपाध्याय हुन् । यी दुवैको आडमा ढुंगानालाई कारवाही नभएको एक सञ्चालकले राजतिलक साप्ताहिकलाई बताए ।

किन खण्डन गर्दैनन् ढुंगाना समाचार ?

राजतिलक साप्ताहिकले ढुंगानाले एनबी बैंकमा गरेको सयौं बदमासीलाई पटक पटक समाचार बनाए पनि उनी खण्डन गर्न किन सक्दैनन् । यो सबैको चासोको विषय बनेको छ । प्रेस काउन्सिल नेपाललाई समाचार गलत हो भनी पठाएका ढुंगानाले पत्रिकालाई खण्डन पठाएनन् ।

यदि समाचार सत्य होइन भने किन खण्डन पठाउँदैनन् ? एक सञ्चालकले राजतिलक साप्ताहिकसँग भनेः– बैंकमा ढुंगाना राज चलेको छ । उनी ५ सय देखि ५ अर्ब रुपैयाँ सम्मका सबै कागजमा आँफै सही गर्दछन् । त्यसको कारण हो कमिशन । हामीले उनीका दर्जनौं कर्तुत र तेस्रो सिइओ कार्यकाल थप बारेमा राष्ट्र बैंक र अख्तियारमा उजुरी दिएका छौं । केही सञ्चालकहरुले सम्पत्ति सुद्धिकरण अनुसन्धान विभागमा उजुरी दिएका छन् ।’

कसले बनायो ढुंगानालाई नेपाल बैंकर संघको अध्यक्षको सभापति ?

मेगा बैंकका सिइओ अनिल शाहले नेपाल बैंकंर संघको अध्यक्ष पदबाट राजीनामा दिएपछि ढुंगाना समापति भएका छन् । भन्दा ठिक जस्तै देखिन्छ तर यो सत्य होइन । केही दिनमा अनिल शाह नविल बैंकको सिइओ भएर जाँदै थिए । उनीको पद अध्यक्ष जाने थिएन तर ढुंगानाले गर्भनर डा. नेपाललाई भेटी ६ महिनाको बैंक छाडेको समयपछि मात्रै अन्य बैंक जान पाउने निर्देशन रातारात ल्याएका थिए ।

गर्भनर डा.नेपालकै कारण नेपाल बैंकर संघमा पुगेका विवादास्पद सिइओ ढुंगानालाई राष्ट्र बैंकको निर्देशन विपरित बैंक संचालक समितिले लाखौं खर्च गरी बधाइको विज्ञापन छापेको भेटिएको छ ।
स्मरण रहोस्, ढुंगानाका फाइल अख्तियार र राष्ट्र बैंकबाट छानबीन भए उनीको सिइओ पद र अध्यक्ष पद दुवै जाने पक्का देखिन्छ । राजतिलक साप्ताहिक