• होमपेज
  • समाचार
  • निर्वाचन आचारसंहिता पालनामा कडाई गर्ने – प्रमुख निर्वाचन आयुक्त यादव

निर्वाचन आचारसंहिता पालनामा कडाई गर्ने – प्रमुख निर्वाचन आयुक्त यादव

  • शनिबार, अशोज २१, २०७४
निर्वाचन आचारसंहिता पालनामा कडाई गर्ने – प्रमुख निर्वाचन आयुक्त  यादव

काठमाडौं, असोज २१ –

प्रमुख निर्वाचन आयुक्त डा.अयोधिप्रसाद यादवले निर्वाचन आचारसंहिता पालनामा कडाई गर्ने बताएका छन् । निर्वाचन आयोगले राजनीतिक दलहरुका लागि समानुपातिक निर्वाचन प्रणालीसम्बन्धि आज काठमाडौंमा गरेको अभिमुखीकरण कार्यक्रममा उनले निर्वाचन आचारसंहिता उल्लंघनमा कडाई गर्नका लागि अनुगमन चुस्त पार्ने जानकारी दिए ।

आगामी मंसिर १० र २१ गते हुने प्रतिनिधि सभा तथा प्रदेश सभा सदस्य निर्वाचनका लागि तयारी भई रहेको भन्दै उनले निर्वाचन आयोगलाई सहयोग गर्न आग्रह गरे । आचारसंहिता पालना गरेर पनि निर्वाचन आयोगलाई सहयोग गर्न सकिने भन्दै उहाँले सबै राजनीतिक दललाई आफ्नो कर्तव्य बुझेर आचारसंहिता पालना गर्न आग्रह गरे ।पछिल्लो समयम निर्वाचन आयोगले आचारसंहिता उल्लंघन गर्नेलाई कारवाही गरेको भन्दै त्यसका लागि जानकारी दिन पनि आग्रह गरे । कार्यक्रममा समानुपातिक निर्वाचन प्रणालीको कार्यविधि, दलहरुले बन्दसूचि तयार गर्दा पेश गर्दा ध्यान दिनु पर्ने बिषयका बारेमा जानकारी गराईएको थियो ।

Facebook Comments

सम्बन्धित समाचार