नेपालगञ्ज,भदौ २५ –

नेपालगञ्जको सुर्खेतरोडस्थित बजारमा आगलागी भएको छ । आगलागीबाट पाँच पसल जलेर नष्ट भएको छ । अपराहृन चार बजे मोटरसाइकल वर्कसपमा काम भइरहेका बेला बिद्युत सर्ट भएर लागेको आगोले वरिपरिका पाँच पसलमा क्षति पुर्‍याएको छ । आगलागी अझै नियन्त्रणमा आएको छैन ।

नेपालजगञ्ज नगरपालिकाको दमकल, नेपाल प्रहरी र स्थानीय जनताले आगो नियन्त्रणको प्रयास गरिरहेका छन् । आगलागीबाट पसलका सामान जलेर नष्ट भएको छ । मानवीय हताहती नभएको प्रहरीले जनाएको छ ।