काठमाडौँ, भदौं २०–

प्रेसिडेन्ट ग्रुप अफ होटलको लगानीमा काठमाडौँस्थित रविभवनमा नयाँ रेष्टुरेन्ट सञ्चालनमा आउने भएको छ ।

प्रेसिडेन्टको सातौँ आउटलेटका रुपमा प्रेसिडेन्ट रेन्टुरेन्ट एण्ड सेकुवा रविभवन सञ्चालनमा आउन लागेको हो । काठमाडौँको सुन्धारमा मूख्य कार्यालय रहेको यस ग्रुपले पूर्ण पारिवारिक तथा कर्पोरेट हाउसलाई लक्षित गरि प्रेसिडेन्ट रेन्टुरेन्ट एण्ड सेकुवा सञ्चालनमा ल्याउन लागेको ग्रुपका प्रबन्ध निर्देशक शंकर भण्डारीले जानकारी दिए ।

झण्डै १ करोड रुपैयाँको लगानीमा सञ्चालनमा आउन लागेको फाईन डाईनिङ्ग रेष्टुरेन्टमा नेपाली, ईन्डीयन, कन्टीनेटल, चाईनिज र ईटलियन स्वादका विभिन्न परिकारहरु एकै ठाउँमा ग्राहवर्गहरुले पाउने उनले बताए ।

यस्का साथै यहाँ सेकुवाको वास्तविक स्वाद र विभिन्न पारिकारले यस रेष्टुरेन्टको फरक पहिचान हुने उनको दावी छ । यस क्षेत्रबाट शान्त मनोरम कंलकी क्षेत्रको दृश्यावलोकन, तत्कालिन शाहकालिका राजपरिवारकोसँग जोडिएको रविको दरबार हेर्न मिल्ने, स्वम्भु तथा शिवपुरी क्षेत्र रुफटमबाट हेर्न पाईने व्यवस्था हुनु यस रेष्टुरेन्टको थप पहिचान हो ।

यस्तै गीतसंगीतका पारखी ग्राहकवर्गहरुलाई मध्यनजर गर्दै क्यारोओके सिस्टमको सांगीतिक रुमको समेत व्यवस्था छ । २०६३ सालबाट सञ्चालनमा आएको ग्रुपले काठमाडौँमा ६ र लुम्बीनीमा एउटा होटल सञ्चालन गरिएको छ । साथै निकट भविष्यमा चितवन र पोखरामा समेत आफ्नो नयाँ शाखा विस्तार गर्ने जनाएको छ ।