पाल्पा, भदौं १८–

नेपालको बैंकिंङ क्षेत्रमा पृथक पहिचान बनाउन सफल सिटीजन्स बैंक इन्टरनेसनल लिमिटेडले आफ्नो ६० औं शाखा पाल्पाको छहरामा संचालनमा ल्याएको छ । आज एक कार्यक्रमकाबीच नेपाल राष्ट्र बैंकका गभर्नर डा.चिरन्जीवी नेपालले बैंकको शाखा कार्यालयको उद्घाटन गर्नुभयो । शाखा उद्घाटन समारोहमा उच्च पदस्थ सरकारी कर्मचारी, उद्योगी, ब्यापारी, नागरिक समाजका अगुवाहरुको बाक्लो उपस्थिति रहेको थियो ।

छहारा शाखाको बिधिबत समुद्घाटनसंगै सिटीजन्स बैंक इन्टरनेसनल लिमिटेडले ग्राहक महानुभाबहरुलाई देशभरी फैलिएका यस बैंकको ६० वटा शाखा, ५९ वटा ए.टि.एम. काउन्टर र ९७ वटा शाखारहित आधुनिक बैकिङ्ग सेवाबाट करिब ३ लाख ग्राहकहरुलाई सेवा प्रदान गर्दै आएको छ ।. साथै आफ्नो ग्राहकवर्गलाई रेमिट्यान्स सेवा, ड्राफट, भिसा ए.टि.एम. कार्ड सेवा, भिसा ईन्टरनेशनल डलर कार्ड सेवा, विभिन्न किसिमका निक्षेप तथा कर्जा सविधाहरु तथा कुनै पनि शाखाबाट रकम झिक्न र राख्न सकिने जस्ता सुबिधाहरु पनि उपलब्ध गराउदै आएको छ ।

सो समारोहमा सामाजिक उत्तरदायीत्व कार्यक्रम अन्तर्गत बैंकले गभर्नरकै हातबाट श्री भैरव नवदिप माध्यामिक विद्यालयलाई १ थान कम्प्यूटर र श्री महाकाली माध्यामिक विद्यालयलाई १ थान कम्प्यूटर गरी २ थान कम्प्यूटर हस्तान्तरण गरेको छ ।

बैंकले हरेक सम्भावित बजार क्षेत्रमा आफ्नाग्राहकलाई सेवा उपलब्ध गराउने अभिप्रायले अन्य विभिन्न स्थानमा चाँडै नै थप शाखा संचालन गर्ने योजना अगाडि सारेको बैंकका प्रमुख प्रशासकीय अधिृकत उमंग शर्माले जानकारी दिनुभयो ।