काठमाडौँ,भदौ १७ –

डा मसुर गुलाटिका नामले प्रसिद्ध भारतीय हाँस्य कलाकार सुनिल ग्रोबर अस्पताल भर्ना भएका छन्। कपिल शर्माको हाँस्य टेलिभिजन सो बाट आफूलाई स्थापित गराएका उनी डेंगु भएपश्चात एसियन हार्ट इन्स्टिच्युटमा भर्ना भएका हुन्।

केही समयअघि विवादका कारण कपिल शर्मा सो छाडेका उनी लगातार ज्वरो, टाउको दुख्ने जस्ता सम्स्या भएपश्चात अस्पताल पुग्दा उनलाई डेंगु देखिएको हो। गुत्थी, मशहूर गुलाटी र रिंकु भावीको भुमिकामा निकै नै चर्चित बनेका सुनिल पछिल्लो समय सुनिल लाइभ इभेन्ट्स, अवार्ड सो लगायतमा आफूलाई व्यस्त गराउँदै आएका छन्। – एजेन्सी