सुवास लामिछाने,

चितवन, भदौं १७–

चितवनको माडीमा जारी सर्वाधिक धनराशीको फुटवल प्रतियोगिता स्टार कपको आजको पहिलो खेलमा प्रतिभा युवा क्लव सितलपुर विजयी भएको छ ।

दिउँसो १२ बजेपछि भएको पहिलो खेलमा ब्याइज युनियज द्रोपतिनगरलाई ३–१ गोल अन्तरले पराजित गर्दै प्रतिभा युवा क्लव क्वाटरफाईलनमा प्रवेश गरेको छ ।

यस्तै प्रतियोगिता अन्तरगत दोस्रो खेलमा अहिले बसन्तपुर युनाइटेड क्लव ‘ए’ विरुद्ध स्टार स्पोर्टस क्लव ‘ए’बीच भिडन्त भईरहेको छ । यस्तै आजै हुने अन्तिम खेलमा दिउँसो ४ बजे चैनपुर एफ.सी चैनपुरविरुद्ध नेपाल बोटे समाज वनकट्टाबीच प्रतिस्पर्धा हुने आयोजकले जनाएको छ ।

माडीभरिका २५ टिमको सहभागिता रहेको यस प्रतियोगिताको विजेताले ५५ हजार १ सय ५१ रुपैयाँ, उपविजेताले २६ हजार १ सय ५१ रुपैयाँसहित शिल्ड, मेडल र प्रमाणपत्र प्राप्त गर्नेछन् । यससंगै उत्कृष्ट गोलरक्षक, उत्कृष्ट मिल्डफिल्डर, सर्वाधिक गोलकर्ता, अनुशासित टिम, अनुशासित खेलाडीहरुलाई नगद सहित सम्मान गर्ने साथै सेमिफाईनलमा पुगेका ४ टिमलाई एक/एक सेट जर्सी वितरण गरिने आयोजक कमिटिका अध्यक्ष सूर्य अधिकारीले नारायणी अनलाईनलाई जानकारी दिनुभयो ।