र्जीवन बीमा कम्पनीहरुमा नेपाल लाइफ इन्स्योरेन्स कम्पनि लिमिटेड (Nepal Life Insurance Co. Ltd.) ले चालू आर्थिक वर्षको पहिलो त्रैमासमा २० करोड ४१ लाख रुपैयाँ मुनाफा कमाएको छ । कम्पनीको यो मुनाफा गतवर्षको सो अवधिको तुलनाभन्दा १५ दशमलव ०५ प्रतिशतले बढी हो । गतवर्षको पहिलो त्रैमासमा कम्पनीले १७ करोड ७४ लाख रुपैयाँ मुनाफा कमाएको थियो ।

४ अर्ब ३९ करोड ६९ लाख रुपैयाँ चुक्ता पुँजी भएको कम्पनिले जगेडाकोषमा ३ अर्ब ६५ करोड ९८ लाख रुपैयाँ, जीवन बीमा कोषमा ५४ अर्ब ४३ करोड ६४ लाख रुपैयाँ र महा विपत्ती कोष जगेडामा ३७ करोड ११ लाख रुपैयाँ छुटाएको छ । सार्वजनिक वित्तीय विवरण अनुसार कम्पनीले यो अवधिमा ७४ अर्ब ४ करोड १ लाख रुपैयाँ कुल बीमा शुल्क आर्जन गरेको छ भने २ अर्ब ३५ करोड ४८ लाख रुपैयाँ कुल दाबी भुक्तानी गरेको छ ।

कम्पनीले कुल कायम रहेको बीमालेखको संख्या ११ लाख ८१ हजार १८३ वटा रहेको छ भने गत वर्ष कम्पनीले १० लाख ९४ हजार ४८६ वटा बीमा जारी गरेको थियो ।

कम्पनीले १४ हजार ३ सय ३४ भुक्तानी संख्याबाट २ अर्ब ३५ करोड ४८ लाख रुपैयाँ कुल दाबी भुक्तानी गरेको छ भने १ अर्ब ३२ करोड ६४ लाख रुपैयाँ दावी भुक्तानी गर्न बाँकि रहेको देखिन्छ ।

कम्पनीको प्रतिशेयर आम्दानी वार्षिक १८ रुपैयाँ ५७ पैसा, प्रतिशेयर नेटवर्थ १९१ रुपैयाँ ६३ पैसा, मुल्य आम्दानी अनुपात ५० दशमलव १२ गुणा र प्रतिशेयर कुल सम्पतिको मूल्य १४३० रुपैयाँ रहेको छ ।