नेपाल लाइफ इन्स्योरेन्स कम्पनी लिमिटेड (Nepal Life Insurance Co. Ltd.) ले गत आर्थिक वर्ष २०७४/७५ को चौथो त्रैमास सम्ममा आईपुग्दा खुद मुनाफा ४७ करोड ९२ लाख रुपैयाँ आर्जन गरेको छ । जुन गत वर्षको सोहि अवधिको तुलनाभन्दा ५२ दशमलव २९ प्रतिशतले घटेको हो ।

गत वर्षको सोहि अवधिमा कम्पनीले १ अर्ब ४६ लाख रुपैयाँ मुनाफा कमाउन सफल भएको थियो । ४ अर्ब ३९ करोड ६९ लाख रुपैयाँ चुक्ता पुँजी भएको कम्पनीले जगेडा तथा कोषमा ३ अर्ब ४७ करोेड ५७ लाख रुपैयाँ र जीवन विमा कोषमा ५० अर्ब ४९ करोड २२ लाख रुपैयाँ राखिएको छ ।

कम्पनीको आम्दानीमा २४ दशमलव १० प्रतिशतले घटेर २६ करोड १७ लाख रुपैयाँ पुगेको छ भने खर्चमा ६८ दशमलव ९७ प्रतिशतले बढेर ५१ करोड २९ लाख रुपैयाँ पुगेको छ । आम्दानी भन्दा खर्च वृद्धि भएकोले पनि नाफा घटाएको हो । कम्पनीले यस अबधिमा बीमा शुल्क (खुद) १६ अर्ब १ करोड ७३ लाख रुपैयाँ आर्जन गरेको छ भने कुल बीमा शुल्क ६८ अर्ब ५५ लाख रुपैयाँ आर्जन गरेको ।

त्यस्तै ५ अर्ब ४३ करोड ५९ लाख रुपैयाँ बराबरको भुक्तानी दाबी (खुद) गरेको छ भने कुल दाबी भुक्तानी ६ अर्ब २१ करोड रुपैयाँ रहेको छ । कम्पनीले यस अबधिमा ११ लाख ५२ हजार ८ सय ६० वटा (संख्या) बीमालेख जारी गरेको छ । कम्पनीले यस अबधिमा ३८ हजार ४ सय ९९ वटा (संख्या) भुक्तानी दाबी गरेको छ ।

कम्पनीको प्रति शेयर आम्दानी १० दशमलब ९० रुपैयाँ, पि ई अनुपात ९६ दशमलब ३३ गुणा, प्रति शेयर नेटवर्थ १ सय ८७ दशमलब ५४ रुपैयाँ र प्रति शेयर कुल सम्पत्ति मूल्य १ हजार ३ सय ३६ रुपैयाँ रहेको छ ।