सिटिजन्स बैंक इन्टरनेसनलले संगीतकार संघ नेपाललाई आर्थिक सहयोग स्वरुप १५ लाख सहयोग गरेको छ । हरेक वर्ष बैंकले आफ्नो बार्षिक उत्सवको उपलक्ष्यमा सामाजिक रूपान्तरणका लागि कार्य गर्ने संस्थालाई आर्थिक सहयोग उपलब्ध गराउँदै आएको छ । यसैको निरन्तरता स्वरूप बैंकले उक्त सहयोग गरेको हो ।

एक कार्यक्रमबीच बैंकका प्रमुख कार्यकारी अधिकृत राजनसिंह भण्डारीको उपस्थितिमा १५ लाखको चेक संगीतकार संघका अध्यक्ष लक्ष्मण शेष विडारीलाई बैंकका प्रमुख प्रशासकीय अधिकृत उमंग शर्माले हस्तान्तरण गरे ।

बैैंकले कारोबार शुरु गरेको ११ वर्षको अवधिमा ६८ वटा शाखा र ६८ वटा एटीएमबाट करिब ३ लाख ३५ हजार ग्राहकलाई बैंकिङ सेवा पुर्याउँदै आएको छ ।

चालू आवको तेस्रो त्रैयमाससम्ममा बैंकले ६० अर्ब २५ करोड निक्षेप संकलन गरी ५५ अर्ब ८२ करोड कर्जा प्रवाह गरेको तथा सोही अवधिभित्र १ अर्ब १७ करोड ७४ लाख सञ्चालन मुनाफा र १ अर्ब ९८ लाख खुद नाफा आर्जन गरेकोे छ । जुन गत वर्ष सोही अवधिको तुलनामा क्रमशः ३२ .७२ प्रतिशत र १४ .३९ प्रतिशतले वृद्धि भएको छ ।