रोशन कुमार न्यौपाने बैकिङ्ग उद्योगमा चिनाई राख्नु पर्ने नाम होइन । नेपालको बैकिङ्ग क्षेत्रमा अब्बल नाम भित्रै पर्दछ । नेपालको सबै भन्दा धेरै शाखा सञ्जाल र ग्राहक भएको कर्जा प्रवाह, डिपोजिट र नाफामा सबै निजी क्षेत्रका बैंकहरुमा अब्बल र सक्षम सावित भैसकेको एनआईसी एशिया बैंकका सीइओ हुन रोशन कुमार न्यौपाने ।

सबै भन्दा बढि शाखा सञ्जाल र ग्राहक भएको बैंकका सबै भन्दा कान्छा सीइओको उपनामले चिचिने रोशन कुमार न्यौपाने चाटर्ड एकाउटेण्ट पनि हुन् ।

विश्वभरी महामारीकारुपमा फैलिएको कोरोना भाइरसले नेपाल त्रसित बनाएको छ । यही चैत्र ११ गतेदेखि २५ गतेसम्मका लागि सरकारले देशलाई नै लक डाउन गरेको छ । लक डाउनका कारण कुनै पनि व्यक्ति सरकारको अनुमति विना घर बाहिर निस्कन सक्ने अवस्था नै छैन ।
यस्तो अवस्थामा पनि सबैभन्दा ठूलो एनआईसी एशिया बैंकले सेवा प्रदान गरिरहेको अवस्ता देखिन्छ । । डिजिटल कारोबारलाई प्रोत्साहन दिएको एनआईसी एशिया बैंकहरुले डिजिटल कारोबार गर्न नसक्ने ग्राहकलाई कारोबार सुचार गर्न शाखाहरु खोलेर सेवा दिइरहेका देखिन्छ ।

यस्तो अवस्थामा बैंक खोलेर सेवा दिन के कस्ता कठिनाईहरु भोग्नु परेको छ ? एनआईसी एशिया बैंक मात्रै खुलेको छ कि ? कारोबार पनि भइरहेको छ । बैंकको कर्मचारीहरुका सुरक्षा विधि कस्तो अपनाइएको छ ? बैंक र बैंकरहरुले यो विशम परिस्थितिमा राज्यलाई कस्तो योगदान दिएका छन् । यी आदि विषयमा एनआईसी एशिया बैंकका सीइओ रोशन कुमार न्यौपानेसंग भूपेन्द्र आचार्यले गरेको कुराकानी ।

० देश पूर्ण लकडाउनको अवस्थामा छ । कोरोना भाईरसका कारण जनता त्रसीत छन् । घरबाट बाहिर जाने अवस्था छैन । यस्तो बेला नेपालको सबैभन्दा बढि शाखा सञ्जाल र ग्राहक भएको एनआईसी एशिया बैंकले कस्तो सेवा दिएको अवस्था छ ?
हामीले अब्बल र पृथक रुपमा सेवा प्रदान गरेका छौं । यो विशम परिस्थितिमा पनि हामी लगायत २७ वाणिज्य बैंकहरुले सेवा दिनु आफूमा राम्रो पक्ष पक्कै हो । तर, ग्राहकहरुको सख्या अत्यन्तै कम छ । साच्चै भन्नुपर्दा हामीले बैंक ग्यारेन्टी, एलसी जस्ता सेवा पनि ग्राहकहरुलाई दिएको अवस्था छ ।

यो समय घरमै बसी इन्टरनेत बैकिङ्गबाट कारोबार गर्ने बेला हो । अहिले हाम्रो डिजिटल बैंकिङ्गका धेरै सुविधा छन् । ग्राहकले यी सेवा प्रयोग गरेको देखिन्छ । हामीले भिडियो कन्फेन्सबाट देशभरी कुरा गरेर हाम्रा लाखौं ग्राहकलाई सेवा दिएका छौं ।

० कति शाखा सञ्जालबाट एनआईसी एशिया बैंकले सेवा प्रदान गरेको अवस्था छ ?
घरैमा बसी डिजिटल बैकिङ्ग सेवाबाटै कारोबार गरौं भनेको अवस्थामा पनि पनि एनआईसी एशिया बैंकले १ दिन विराएर फरक/फरक शाखा खुलाएको छ । हामीले प्रदेश १ मा ९ वटा प्रदेश २ मा ११ वटा, प्रदेश ३ मा ७ वटा, प्रदेश ४ मा १ वटा, प्रदेश ५ मा २ वटा, प्रदेश ६ मा १ वटा, प्रदेश ७ मा ४ वटा शाखा कार्यालय सञ्चालन गरि ग्राहकहरुलाई सेवा प्रदान गरेका छौं । एनआईसी एशिया बैंकल ग्राहक मैत्री बैंक भएकाले सेवा दिनु कुरालाई कुनै कन्जुसी हामी कहिले गर्दैनौ ।

० यति धेरै शाखा खोलर एनआईसी एशिया बैंकले कारोबार गरेको तपाईले बताईरहँदा यो कोरोना भाईरसको महामारकिा बेला कर्मचारी साथीहरुको सुरक्षाबारे कति चिन्तित रहनु भएको छ सीइओ साब ?
अत्यन्तै महत्वपूर्ण प्रश्न सोध्नु भयो । कर्मचारी साथीहरुको हाम्रा सम्पत्ती हुन् उहाँहरुको सुरक्षा नै हामी बैंकरहरुको पहिलो दायित्व हो । त्यसकारण हामीले माक्स, सेनिटाइजर र पञ्जा प्रयोग लगायत एटिएमलाई समेत सेनिटाईजिङ्ग गरेका छौं । कर्मचारी कम मात्रामा छन् । ग्राहक अझै कम मात्रामा आएको अवस्था छ । कारोबार सानो भएको छ । यो अवस्था घरबाटै सूचना प्रधिवीबाट डिजिटल बैकिङ्ग गर्नु उचित हुन्छ । यो समय भनेको आफू बाँच्ने र अरुलाई पनि बचाउने समय हो ।

० राज्यले ग्राहकका लागि ल्याएका सहुलियतका प्याकेजलाई कसरी लिनु भएके छ ।
यो अत्यन्तै सकारात्मक पक्ष हो । यसलाई हामीले सकारात्मक रुपमा दिएका छौं । यो साच्चै भन्दा आवश्यक नै थियो ।
अहिले केही सुविधा आएको छ । केन्द्रीय बैंकले जारी गरेको सर्कुलरलाई सकारात्मक रुपमा लिनुपर्छ । विद्युतीय कारोबारमा पनि शुल्क नलिने भन्ने कुरा आएको छ ।

अर्कोतिर चैत्र मसान्तमा १० प्रतिशत ब्याजमा मिनाह दिनसक्ने भनेको छ । बैंकले आफ्नो आम्दानीबाट दिने भन्ने कुरा छ । राज्यले गरेको निर्णय पालना गर्नु हाम्रो कर्तव्य हो । दायित्व हो । असार मसान्तसम्म कर्जाहरुको सावाब्याज तिर्ने समय दिएको छ । यसले ग्राहकलाइ ठूलो राहत मिलेको देखिन्छ । भूपेन्द्रजी । हामी यहि समाजका मान्छे हौं । समाजलाई केही गर्नु पर्दछ भन्ने हाम्रो पनि सोच छ । अप्ठयारो अवस्थामा ग्राहकहरुलाई साथ र सहयोग हामी बैंक र बैंकरले नदिए कसले दिन्छ ?

० नेपाल सरकारले विश्वव्यापी रुपमा महामारी फैलिएको कोरोना भाइरस बिरुद्ध राष्ट्रिय स्तरको कोष स्थापना गरेको छ । यसमा तपाईको बैंकको कस्तो सहयोग रहन्छ त ?
पहिलो चरणमा हाम्रो एनआईसी एशिया बैंकले तत्कालै आवश्यकतालाई महसुस गरी खाद्यान्नका केही सामाग्री राज्यलाई दिएको अवस्था छ । केही बैंकर र उद्योगी धरानाहरुले कोषमा रकम दिएको अवस्था छ । दोस्रो कुरा यो अवस्थामा बैंक खोलेर सेवा दिनु नै महत्वपूूर्ण कुरा हो । राज्यलाई सहयोग गर्ने दायित्व हाम्रो पनि हो । हाम्रो दायित्व समाजमा बढेको छ । हामी यही समाजकै मान्छे हौं । बैंकरहरु यो विशम र अप्ठ्यारो परिस्थितिमा राज्यलाई साथ दिन तयार छन् ।

० विश्वभरी महामारीका रुपमा फैलिएको कोरोना भाईरसले नेपालको बैंकिङ्ग प्रणालीलाई कस्तो असर पर्ला ?
यो समय चिन्ताको विषय भनेको मानवीय क्षती बचाउनु, आफू बच्नु र अरुलाई पनि बचाउनु हो । अर्थतन्त्र आज नभएर भोलि राम्रो होला । विश्व अर्थतन्त्रमा असर परेपछि नेपालमा नपर्ने कुरै भएन । रेमिटेन्स ठप्प छ । कलकारखाना, उद्योग धन्दा, व्यापार व्यवसाय सबै ठप्प छ ।

यसले लामो समय यस्तै अवस्था भयो भने नेपालको बैकिङ्ग प्रणाली तग्रिन केही समय चाही पक्कै लाग्ने अनुमान छ । तर, मानव जीवन रहे अरु कुरा त विस्तारै भई हाल्छ नि । आत्तिनु पर्ने अवस्था छैन । यो बेला ग्राहकलाई पैसा नभएर दाल, चामल, औषधी मुलो किन्न नपाउने अवस्थामा हामी हाम्रा लाखैं ग्राहकहरुलाई अप्ठ्यारोमा पार्दैनौ । पैसा बैंकमा छ फोन गर्नुहोस् हामी तपाईलाई तत्कालै सेवा दिने तप्पर छौं । प्रतिवद्ध छौं । निराश नहुनुहोस । स्वास्थ्य जीवन जीउनु होस् परिवाससंग बस्नुहोस् ।

० लकडाउन बढेको बढेको छ । फेरि बढ्ने संकेत देखिन्छ । यस्तो अवस्थामा तपाईहरुले कस्तो पूर्व तयारी गर्नु भएको छ ?
यो अवस्था आउदै छ भनेर पूर्व तयारीकै साथ हामी बैंकरहरु बसेका थियौ । आयो अब कोरोना भाईरस बिरुद्ध सबै एक भएर लड्नुपर्दछ । त्यसकारण घरबाट सूचना प्रविधीको माध्यामबाटै डिजिटल बैकिङ्गमा जोड दिनुपर्दछ । यसबाट तपाई सुरक्षित हुनुहुन्छ । एटिएम एउटा माध्याम मात्रै हो । सबै भन्दा सुरक्षित भनेकै घर भित्रैबाट काम गर्नु हो ।

साँचै भन्दा हामी भन्दा विकशीत र शक्तिशाली राष्ट्रहरुले समेत पूर्व तयारी नगरेको बेला हामीले त के पो गर्न सक्दछौ । तर, यसले एउटा महत्वपूर्ण पाठ हामी नेपालीलाई सिकाएको चाही पक्कै छ ।

थप एक सातासम्म लकडाउन भइसकेको छ । यसले सबै कुरा स्तब्ध भइसकेको छ । अझै अर्थतन्त्रमा ठूलो क्षती पु¥याइसहेको छ । आगामी बजेटमा पनि यसको असर पक्कै पनि देखिन्छ । विकासका कुरा पनि पछाडी पार्छ । विकसित देशमा जस्तै ठूलो राहत प्याकेत ल्याउने अवस्था देखिदैन । चलिरहेको काम एक्कासी ठप्प बन्द हुँदा त्यसको असर पर्छ । तर, आत्तिनु पर्दैन समय बलवान छ । सबैकुरा ठीक हुँदै जान्छ । तर मानव क्षती हुनु भएन नि ।

० नेपालकै ठूलो शाखा सञ्जाल र ग्राहक भएको बैंकको सबै भन्दा कम उमेरको सीइओ तपाई लकडाउनमा घरमै समय विताएका करोडौं जनतालाई के सन्देश दिन चाहानुहुन्छ ?
पहिलो कुरा त आफू बचौं अरुलाई पनि बचाउ । मानव रहे जीवन रहे, सबै कुरा देखिन्छ । त्यसकारण घरभित्रै बसौ । अर्को कुरा आज कोरोना भाईरसले विश्वका शक्तिशाली राष्ट्र रोहिरहेको अवस्था छ । हजारौं मरेका छन् । लाखौं कोरोना भाईरस बिरुद्ध छटपटाईरहेका छन् ।

बिरामी छन् । सरकारले गरेको लकडाउन पूर्ण पालना गरौं घरबाटै अफिसको काम गरौं घरबाट वाहिर नजाउ । जीवन रहे सबैहुन्छ । जीवन नरहे केही हुँदैन स्वास्थ रहौं । सुखी रहौं । घरमै बसी नयाँ नयाँ सृजना गरौं मोबाइलबाटै डिजिटल कारोबार गरौं । परिवारसंगै दिन विताउ ।
अर्को कुरा विदेशबाट आउनु भएका सबै साथीहरु घरमै क्वाराइनटाइनमा बसौ । केही भए अस्पताल जाउँ । आफूलाई बचाऔं र अरुलाई पनि बचाउ ।