महालक्ष्मी विकास बैंक लिमिटेडले स्वास्थ्य, होटल तथा रेष्टुरेन्ट क्षेत्रका संस्थासँग समन्वय गरी अगाडि बढ्ने अभिप्रायका साथ सिद्धार्थ हस्पिटालिटी लगायतका विभिन्न संस्थाहरुसँग सम्झौता गरेको छ । सम्झौता पश्चात महालक्ष्मी विकास बैंकका डेविट कार्ड, क्रेडिट कार्ड तथा मोबाइल बैंकिङ प्रयोग गर्ने ग्राहकले सो संस्थाका विभिन्न सेवामा विशेष छुट प्राप्त गर्न सक्नेछन् ।

सिद्धार्थ हस्पिटालिटी तिनकुने काठमाडौं लगायतका सम्पुर्ण आउटलेटहरु आवासमा २० प्रतिशत र खाना तथा पेय पदार्थ १० प्रतिशत, बन्दीपुर माउण्टेन रिर्सोट बन्दीपुर तनहुँमा खाना तथा आवास ७ प्रतिशत, स्माईल ३६० डेण्टल क्लिनिक सामाखुशी काठमाडौंकम दन्त सेवामा २० प्रतिशत, बन्दीपुुर बजार घर बन्दीपुर तनहुँमा खाना तथा आवासमा ७ प्रतिशत, लन्जेभिटि हेल्थ होम ललितपुर महानगरपालिका–३ टुटेपानीमा अकुपंचर, पञ्चकर्म, प्याथोलोजी, डक्टर चेकअप लगायतका सेवामा २० प्रतिशतसम्म छुट दिइने सहमती भएको छ ।

यस किसिमको सहकार्यबाट बैंकका डेविट कार्ड, क्रेडिट कार्ड तथा मोबाइल बैंकिङ प्रयोग गर्ने ग्राहकहरु प्रत्यक्ष रुपमा लाभान्वित हुने विश्वास बैंकले लिएको छ । हालै मात्र बैंकले आफ्ना क्रेडिट कार्डवाहकहरुले विभिन्न ट्राभल एजेन्सी मार्फत टुर प्याकेज खरिद गर्दा महालक्ष्मी बैंकको क्रेडिट कार्ड प्रयोग गरी खरिद गर्न सक्ने योजनाको सुरुवात गरेको छ ।

यसअन्तर्गत आफुले खरिद गरेको टुर प्याकेजको मुल्य बराबरको रकमको भुक्तानी ६ महिना देखि १२ महिना सम्मको लचिलो अवधी रहने गरी मासिक रुपमा भुक्तान गर्न मिल्ने गरी रुपान्तरण गर्न समेत सक्नेछन् ।