प्रभु बैंक लिमिटेडका ग्राहक तथा कर्मचारीहरूले दरबार मार्गस्थित ल्यान्डमार्क होटेल तथा रिसोर्टमा छुट पाउने भएका छन्। बैंकले होटेलसँग यससम्बन्धी सम्झौता भएको जनाएको छ।

सम्झौतापत्रमा प्रभु बैंकका चिफ मार्केटिङ अफिसर रमेश कुमार श्रेष्ठ र मार्केटिङ म्यानेजर दिना चित्रकार तथा ल्यान्डमार्क होटेलका सहायक बिक्री निर्देशक मालती राई श्रेष्ठ तथा कर्पोरेट निर्देशक अमृत ढकालले हस्ताक्षर गरेका छन्।

सम्झौताअनुसार होटेलको सेवा तथा सुविधा प्रयोग गरेर बैंकको डेबिट कार्ड, क्रेडिट कार्ड तथा अन्य कुनै विद्युतीय प्रणालीद्वारा बिल भुक्तानी गर्दा छुट पाइनेछ। ल्यान्डमार्क होटेल तथा रिसोर्टका आवासतर्फ विशेष सस्थागत छुटका साथै खाना तथा पेय पदार्थमा १० देखि १५ प्रतिशत छुट प्राप्त गर्न सकिने बैंकले जानकारी दिएको छ।

ल्यान्डमार्क होटेल तथा रिसोर्टअन्तर्गत चितवन, पोखरा, काठमाडौं, तनहु र भैरहवा लगायतका शाखामा पनि प्रभु बैंकका ग्राहक तथा कर्मचारीहरूले विशेष छुट पाउने बताइएको छ।