नेपाल इन्भेष्टमेण्ट मेगा बैंक लिमिटेडले आफ्ना ग्राहकवर्गहरुलाई थप सुविधा प्रदान गर्ने उद्देश्यले ललितपुर बखुन्डोल स्थित सारंग हेल्थ केयर प्रा. लि. सँग विशेष सम्झौता गरेको छ।

यस सम्झौता अन्तर्गत, एनआईएमबी डेबिट÷क्रेडिट कार्ड प्रयोगकर्ताहरू र एनआईएमबी स्मार्ट एप (मोबाइल बैंकिङ) प्रयोगकर्ताहरूले सारंग हेल्थ केयरको स्वास्थ्य सेवामा विशेष छुट सुविधा प्राप्त गर्न सक्नुहुनेछ । यस विशेष छुट लिनका लागि ग्राहकवर्गहरुले एनआईएमबी डेबिट÷क्रेडिट कार्ड वा एनआईएमबी स्मार्ट एप मार्फत भुक्तानी गर्नुपर्ने हुन्छ ।

सम्झौता अनुसार, बैंकका ग्राहकवर्गहरुले ल्याब सेवामा १० देखि १५ प्रतिशतसम्म छुट, कल्चर तथा विशिष्ट परीक्षणमा ७ प्रतिशत छुट पाउनु हुनेछ । त्यस्तै, इसीजी, युएसजी, इको, एन्डोस्कोपी, कोलोनोस्कोपी र कोल्पोस्कोपी सेवामा पनि ७ प्रतिशत छुट पाउन सक्नुहुनेछ ।

बैंकले आफ्ना ग्राहकवर्गहरुको स्वास्थ्यलाई प्राथमिकतामा राख्दै विभिन्न स्वास्थ्य संस्थाहरूसँग सहकार्य गर्दै आएको छ । यस किसिमका सहकार्यहरूले ग्राहकहरूलाई सहज र किफायती दरमा गुणस्तरीय स्वास्थ्य सेवा लिन मद्दत पुग्ने विश्वास बैंकले लिएको छ ।