हिमालयन बैंक लिमिटेडले शाखा स्थानान्तरण गरेको छ। सिभिल बैंकलाई प्राप्ति गरेपछि नजिक भएका शाखा सञ्जालहरूमध्येबाट स्थानान्तरण गरिएको बैंकले जनाएको छ।

बैंकले ललितपुरको जावलाखेल शाखा र धनुषाको भानु चोकस्थित जनकपुर शाखा-२ लाई स्थानान्तरण गरी आइतबारदेखि नयाँ स्थानबाट सेवा शुभारम्भ गरेको जानकारी दिएको छ।

बैंकका अनुसार जावलाखेल शाखालाई ललितपुर महानगरपालिका-२७ सुनाकोठीमा र जनकपुर शाखा-२ लाई पिडारी चोकमा स्थानान्तरण गरी सुनाकोठी शाखा र पिडारी चोक शाखाको नामबाट सम्पूर्ण बैंकिङ सेवा प्रदान गरिनेछ।

बैंकको सुनाकोठी शाखाको शुभारम्भ बैंकका सहायक प्रमुख कार्यकारी अधिकृत विपिन हाडाले गरेका छन्। पिडारी चोक शाखाको शुभारम्भ भने बैंकका मधेश प्रदेशका प्रदेश प्रमुख सागरकुमार रेग्मीले बैंकका उच्चपदस्थ कर्मचारीहरू तथा अन्य अतिथिहरूको उपिस्थतिमा गरेका छन्।