हिमालयन बैंक लिमिटेडले इटहरी शाखा– २ लाई इनरुवा नगरपालिका–१ मा स्थानन्तरण गरेको छ ।

सिभिल बैंकलाई प्राप्ति गरेपछि नजिक भएका शाखा सञ्जालहरुलाई ग्राहकको सुविधालाई ध्यानमा राख्दै हिमालय बैंकले शाखा सञ्जालहरुलाई अन्यत्र स्थानन्तरण गर्ने कार्यलाई जारी राखेको छ ।

सोही क्रममा बैंकले इटहरी शाखा २ लाई इनरुवा–१ मा स्थानन्तरण गरेको र १ चैतदेखि ग्राहकहरुलाई बैंकिङ सुविधा समेत प्रवाह गरिएको बैंकले जनाएको छ ।

स्थानन्तरण गरिएको सो शाखाको उद्घाटन नेपाल राष्ट्र बैंक, विराटनगर निर्देशक इन्द्र चाम्लागाईं मैनालीले गरेकी हुन् ।

देशभरि १७४ कुल शाखा संख्या, २० विस्तारित काउन्टर, २६४ एटीएम, ६ हजार ५०० भन्दा बढी पीओएस टर्मिनल्स र १७ हजार भन्दा बढी विप्रेषन भुक्तानी केन्द्रहरुबाट ग्राहकलाई विभिन्न बैंकिङ्क सेवा प्रदान गर्दै आइए रहेको बैंकले जनाएको छ ।