ग्लोबल आइएमई बैंक र धनगढीमा रहेको माया मेट्रो अस्पतालबीच व्यवसायिक सम्झौता भएको छ। सम्झौता अनुसार बैंकका ग्राहक र कर्मचारीले अस्पतालको सेवामा १५ प्रतिशत छुट पाउने बैंकद्वारा जारी विज्ञप्तिमा उल्लेख छ। यो छुट पाउन बैंकको डेबिट/क्रेडिट/प्रिभिलेज कार्ड वा बैंकको परिचयपत्र पेस गर्नुपर्ने बैंकले जनाएको छ।

बैंकले ग्राहकलाई सुविधा दिन विभिन्न व्यवसायिक संस्थासँग सम्झौता गर्दै आएको जनाएको छ। बैंकका ७७ वटै जिल्ला २ सय ८९ वटा शाखा छन् भने २ सय ६५ वटा एटीएम छ।