हिमालयन नरल इन्स्योरेन्स र एभरेष्ट इन्स्योरेन्स एक आपसमा मर्ज भएर हिमालयन एभरेष्ट इन्स्योरेन्स बनेको छ । आइतबार राजधानीमा आयोजित एक कार्यक्रम मार्फत यी दुई निर्जीवन बीमा कम्पनीको एकिकृत कारोबारको शुरु भएको छ ।

मर्जपछि बनेको हिमालयन एभरेष्ट इन्स्योरेन्सका अध्यक्षमा एभरेष्ट इन्स्योरेन्सका तर्फबाट महेन्द्रकृष्ण श्रेष्ठ रहने छन् भने प्रमुख कार्यकारी अधिकृतमा हिमालयन जनरल इन्स्योरेन्सका तर्फबाट विजयबहादुर शाह रहने छन् ।

दुई कम्पनी मर्जपछि कम्पनीको चुक्तापुँजी २ अर्ब २३ कारोड ९९ लाख ३६ हजार ७०० रुपैयाँ भएको छ । मर्जपछि एभरेष्ट इन्स्योरेन्सको १०० कित्ता शेयर हुनेले ८५ कित्ता शेयर हिमालयन एभरेष्ट इन्स्योरेन्सका पाउने छन् ।