नेपाल प्रहरीको सरुवा–बढुवामा तत्कालिन प्रहरी आईजीपी सबेन्द्र खनालको समयमा सई विजय यादबको समेत चकचकी थियो । प्रहरीको सरुवा–बढुवाको आन्तरिक मुल्यांकन ती सईको चल्ने गरेको चर्चा हुन्थ्यो । सई विजय यादबले प्रहरी भित्र रकम कलमको आधारमा कतिपय जिल्लामा सरुवा बढुवाका लागि मैले सिफारिस गरेको भन्दै खुलेआम भन्थे र उसुलीमा ध्यान दिने गरेका थिए । पछिल्लो समय प्रहरी भित्रको सरुवा–बढुवाको सूची प्रधानमन्त्री शेरबहादुर देउवापत्नी आरजु राणाको निर्देशनमा स्वकीय सचिव प्रकाश देउवाले बनाउने गरेको समाचार आईरहेका बेला एक समुहलाई नै रिजाउन पर्ने खबर छ ।

समाचार स्रोतका अनुसार प्रहरीदेखि शसस्त्र प्रहरीको सरुवा,बढुवामा आरजुसँगै गृहमन्त्री बालकृष्ण खाँडकी पत्नी मन्जु खाँडदेखि बालुवाटारको सुरक्षा हेर्ने बालुवाटार सुरक्षा इकाईमा कार्यरत डिएसपी कोमल शाह र इन्सपेक्टर हिमाल साहसम्म रिजाउँन पर्ने समाचार छ । उनीहरुको सिफारिस सुची बालुवाटार र गृहमन्त्रालयबाट प्रहरी प्रधान कार्यालयदेखि हलचोक सम्म पुग्ने गरेको छ । तिनै सूचीअनुसार सरुवा–बढुवा समेत भएको छ सूोतले जनाएको छ । रेष्टुरेन्टका सञ्चालक समेत रहेका प्रकाश देउवाका अर्का सञ्चालक हेमन्त धामीले समेत प्रहरी सरुवा–बढुवाका लागि रकम,कलमको मोलमोलाई गर्ने गरेको प्रहरी अधिकारीले बताए । उता बालुवाटारमा कार्यरत डिएसपी कोमल शाह र इन्सपेक्टर हिमाल साहको रवाफले प्रहरीका उच्च अधिकारीहरु समेत तनाबमा परेका छन् । सो समूहको चलखेलले यतीबेला गृहमन्त्री खाँडलाई समेत तनावमा पारेका छन् । सरुवा–बढुवामा बालुवाटार हाबी भइरहेको प्रष्ट छ । गृहमन्त्री खाँड,प्रहरी महानिरीक्षक (आईजीपी) शैलेश थापा क्षेत्री ,एआईजी विश्वराज पोख्रेल र शसस्त्र प्रहरीका महानिरीक्षक (आईजीपी) शैलेन्द्र खनाल समेत तनाबमा परेका छन् ।

बालुवाटारको पूरै रिझाएपछि गृहमन्त्री बालकृष्ण खाँणको समेत केहि जोर नचल्ले भएकाले उनी रुष्ट बनेका छन् । जसका कारण प्रधानमन्त्री शेरबहादुर देउवा र गृहमन्त्री बालकृष्ण खाँण बिच आन्तरिक चिसोपन बढेको छ ।

आफुले गरेको काठमाडौंको प्रहरी बरिष्ठ उपरीक्षक (एसएसपी) अशोक सिंहको सरुवा बालुवाटारले रोकेको घटनाले पनि बालुवाटार र गृहबीच विवाद बढेको हो । आरजु र प्रधानमन्त्री शेरबहादुर देउवाका स्वकिय सचिव भानु देउवाले सुरक्षा निकाय चलाएको भन्दै गृहमन्त्री खाँण असन्तुष्ट पोखेका छन् । सुरक्षा निकायमा बालुवाटारको हस्तक्षेप निकै बढेपछि खाँण रुपन्देही तिरै अल्मलिएको स्रोतले जनाएको छ । सिंहको ठाउँमा एसएसपी सुदीप गिरीको काज सरुवा भएको थियो । गिरीलाई काठमाडौं प्रहरी प्रमुख बनाउन गृहमन्त्रीपत्नी मन्जु खाँण अघि बढेकी थिइन् । आरजु, मन्जु,भानु,प्रकाश,बालुवाटारका डिएसपी,इन्स्पेक्टर कती ढोका पार पाएपछि गृह र प्रहरी प्रधान कार्यलयमा सुची प्रबेश शुने हो प्रहरीका अधिकारी तनाबमा रहेका छन् एक प्रहरी अधिकारीले भने ।

सेटिङले गर्दा नेपाल प्रहरी निरिह जस्तै बनेको छ । पत्नी आतंक,देउवा आतंकले पछिल्लो समय नेपाल प्रहरीको भविष्य नै अन्यौलमा परेको गुनासो छ । पहिला अहिले बढि चाकडी ,चाप्लुसी र रकम कलमको मोलमोलाई बढेको उनले बताए । बालुवाटारको ओपेरा रेस्टुरेन्ट यतिबेला प्रहरीका उच्च अधिकारीको अखडा हो । नेपाल प्रहरीको लेखापालको सरुवा समेत रोकिएको छ । नेपाल प्रहरीमा बदनाम अधिकृतहरुले अवसर पाउन थालेका छन् । राजनीतिक पावरका आधारमा बदनामहरुलाई महत्वपूर्ण जिम्मेवारी दिइएको छ । त्यसो त शक्तीकै आडमा बदनाम प्रहरीलाई संरक्षण गर्ने काम समेत भइरहेको छ । तत्कालिन धनुषा प्रहरी प्रमुख एसपी प्रकाश रानाभाटलाई प्रहरी हेडक्वाटरले किन संरक्षण गरेको भन्दै प्रहरीहरुनै चिन्तित भएका छन् । हाम्रो त्यस प्रकारको बदमासी भएको भए निलम्बन हुन्थ्यो उनलाई संरक्षण भइरहेको छ एक एसपीले गुनासो पोखे । एसपी प्रकाश रानाभाटलाई धनुषाको एक लागु औषध काण्डमा मिसिल परिर्वतन गरेको आरोप छ । उनी विवादित छवीका प्रहरी अधिकारी हुन् । उनको विगतपनि उस्तै डर लाग्दो छ । त्यसैगरि,गोरखामा हुँदा गत वर्ष कारबाहीमा परेका एसपी सुरेन्द्र गुरुङलाई मकवानपुर पठाइएको छ । गोरखामा जुवाको पैसा लुकाएको खुलेपछि उनलाई हटाइएको थियो । तिहारको बेला जुवाडे पक्राउ गरेकोमा खालको पैसा लुकाएका थिए । अन्य अनियमितता पनि खुलेपछि उनलाई पाँच महिनामै हटाइएको थियो ।

मकवानपुरका एसपी सोमेन्द्रसिंह राठौरलाई १० महिनामै हटाएर उनलाई पठाइएको हो । त्यसो त उनी पनि त्यहा विवादित भएका थिए । एसपी गुरुङ कांग्रेस नेताहरुकै पावरका आधारमा गुप्तचरबाट प्रहरीमा आएका अधिकृत हुन् । त्यस्तै, पर्साका एसपी बेलबहादुर पाण्डेलाई पनि अवधि नपुगी हटाइएको छ । उनलाई हटाएर कांग्रेस नेता दीपक खड्काका आफन्त एसपी रमेश बस्नेतलाई पठाइएको छ । पटक पटक कारबाही भोगेका एसपी राजेन्द्रबाबु रेग्मीलाई तनहुँमा सरुवा गरिएको छ । स्याङजा पठाइएका राजीव बस्नेत र नुवाकोट पठाइएका रामप्रकाश शाहको कार्यक्षमता राम्रो नभएको मानिन्छ । एसपी सरुवामा आइजिपी निरीह देखिएका छन् ।

म बालुवाटारबाट भन्दै हप्काउने डिएसपी शाह को हुन् ?

प्रधानमन्त्री सरकारी निवास बालुवाटारमा रहेका डिएसपीको दैनिक रवाफ देखेर बालुवाटारका सरकारी कर्मचारीदेखि आगन्तुक पाहुनाहरुले जिब्रो टोक्ने गरेका छन् । आफु बालुवाटार रहेकाले सबैले टेर्ने भन्दै नेपाल प्रहरीको सरुवा,बढुवामा समेत हस्तक्षेप डिएसपी कोमल शाहको विगतका बारेमा पनि टिकाटिप्पणी हुन थालेको छ । प्रधानमन्त्री बिशेष सुरक्षा इकाई बालुवाटारका उनी विवादित छवीका प्रहरी अधिकारी हुन् । उनले डिएसपी,एसपीको सरुवामा समेत कसैलाई काखा र पाखा हुने गरि कुरा लगाउने गरेको एक एसपीले गुनासो पोखे । प्रहरीको एसपी,डिएसपी लगायत तलको सरुवामा भानु देउवा र प्रकाश देउवाले मात्रै भनेर पनि हुँदैन भन्दै सहकर्मीहरुलाई घुर्काउने गरेका छन् । यस अघि बाँके ट्राफिकमा पनि ४÷४ पटक इन्चार्ज पाइसकेका नेकपा एमाले समर्थित इन्स्पेक्टर याम बहादुर मल्ललाई पनि कांग्रेसी हो भनि मोल मोलाइबाटै बाके ट्राफिकमा काज सरुवा गर्न दबाब दिए पछि गृहमन्त्री खाड समेत छक्क परेका थिए । अहिले डिएसपी शाहको काम नै प्रहरीको सरुवा , बढुवामा अनाबश्यक दबाब दिने गरेको बुझिएको छ । त्यसो त उनले बालुवाटार भित्राएका इन्स्पेक्टर सुधिर राईले प्रधानमन्त्री देउवाले गरेका भेटघाटका सुचना बाहिर लाने गरेको आरोप छ । राजतिलक साप्ताहिकबाट साभार गरिएको