मानिसलाई खानाको परिकारमा फरक-फरक स्वादको आवस्यक परे जस्तै गीत संगीतमा पनि फरक स्वाद लिने चाहना हुने गर्दछ । कसैलाई   फिल्मी गीत, कसैलाई पप तथा अन्य मन परे झैं भर्खरै मात्र एक लोक सेलो “डोको र नाम्लो बोकेर” बोलको गीत सार्बजनिक भएको छ । सेलो प्रसिद्ध लोक लय हो । पहाडका काखमा बस्ने तामाङ्ग, भोटे जस्ता जातिबाट विकसित हुँदै आएकाले यसलाई तामाङ्ग सेलो, भोटेसेलो पनि भनिन्छ । अहिले यो राष्ट्रिय लय भइसकेको छ ।

प्रस्तुत गीत आर के श्रेष्ठको प्रस्तुतिमा सार्बजनिक भएको हो । आर के श्रेष्ठ र एलिना चौहान द्वारा स्वर बद्ध गीतलाई शब्द रचना टिका भट्टराईले भरेका हुन् भने संगीत अष्ट लामाको रहेको छ । गीत निकै कर्णप्रिय बनेको छ । यस गीतको म्युजिक भिडियोमा सन्तोष मगर र माया तामाङ्गको आकर्षक अभिनय देख्न सकिन्छ । दिप गुरुङ्गको निर्देशन तथा कोरियोग्राफीमा तयार भएको भिडियोलाई छायांकन मधुर बस्नेत र शम्भु चालिसेले गरेका हुन् भने सम्पादन मेक बहादुर थापाले गरेका छन् । भिडियोलाई सह-निर्देशन सन्तोष मगरको रहेको छ ।

भिडियो हेर्न तल क्लिक गर्नु होला ।