सनराइज बैंकले चालु आर्थिक वर्षको पहिलो त्रैमासमा ४३ करोड ७ लाख १६ हजार रुपैयाँ नाफा आर्जन गरेको छ । जुन गत आवको सोही अवधिको तुलनामा १२.४६ प्रतिशतले बढी हो ।

यो अवधिमा बैंकको खुद ब्याज आम्दानी घटेको छ भने सञ्चालन मुनाफा बढेको छ । असोज मसान्तसम्ममा बैंकको खुद ब्याज आम्दानी ९२ करोड ७९ लाख ७६ हजार रुपैयाँबाट घटेर ९२ करोड ३२ लाख ६१ हजार रुपैयाँ पुगेको छ । यस्तै, सञ्चालन मुनाफा ५४ करोड ७१ लाख १० हजार रुपैयाँबाट बढेर ५८ करोड २१ लाख रुपैयाँ पुगेको छ ।

९ अर्ब ४८ करोड ७९ लाख ४४ हजार रुपैयाँ चुक्ता पुँजी रहेको बैंकको जगेडा कोषमा ४ अर्ब ७२ करोड १२ लाख ४३ हजार रुपैयाँ रहेको छ । चालु आवको तीन महिनामा १ खर्ब २८ अर्ब २७ करोड ३९ लाख ८३ हजार रुपैयाँ निक्षेप संकलन गरेको बैंकले १ खर्ब १३ अर्ब ७३ करोड ५६ लाख ९४ हजार रुपैयाँ कर्जा लगानी गरेको छ ।