अन्तर समझ,दाङ । दाङ जिल्लाको राजपुर गाउँ पालिकामा अबैध तबरबाट राजश्व छली  नदिजन्य पदार्थ ढुंगा, गिट्टी, बालुवा ओसारेको समाचार प्राप्त भएको छ ।

प्रहरी प्रशासनको मिलेमतोमा धन्दा मौलाएपछि स्थानीयहरु।चिन्तित बनेका हुन् ।

राजपुर गाउँ पालिकाका अध्यक्ष  लोक राज केसीका नातेदारले २०७७ असोज १५ गते राजपुर गापा वार्ड नं ३ प्रतापपुरमा राजस्व तिरे भन्दा बढि गिट्टी,बालुवा लगायत नदिजन्य सामाग्री ओसारेपछि यस्तो खबर सार्वजनिक भएको हो ।

आर्थिक प्रलोभनमा परि मिलेमतोका आधारमा केसी निर्माण सेवा लगायत केहि कम्पनीलाई काखा र अन्य ब्यावसायीहरुलाई पाखाको नीति अबलम्बन गरेपछि अध्यक्ष केसीको धन्दा छताछुल्ल भएको हो ।

केसीले गरेका अनैतिक धन्दा राजपुर गाउँ पालिकामा भित्रभित्रै भुसको आगो झै भएको छ ।

सत्ता र शक्तीको आडमा अन्य धन्दा दबाएपनि आफ्ना नातेदारको केसी निर्माण सेवाले करोड भन्दा बढि राजश्व छलेको प्रमाणले भने उनको नियत उदाङ्गिएको छ ।

राजश्व छली गरि करोडौंको ढुंगा, गिट्टी, बालुवा तस्करी गरेको केसी निर्माण सेवालाई बचाउन २०७७ असोज १५ का प्रमाणहरु जलाइ सकेको घटनाले थप प्रष्ट पारेको छ ।

राजपुरमा सत्ताको आडमा उत्खनन खुलापछि व्यक्ति, स्वार्थ समूहबाहेक कसैलाई फाइदा छैन् सरोकारवालाहरुले चिन्ता प्रकट गरेका छन् ।

पछिल्लो समय अबैध धन्दा मौलाएको खबरले जिल्ला प्रहरी प्रशासनको समेत मिलेमतो बढेको भन्दै स्थानीय चिन्तित भएका हुन् ।

नेपाली कांग्रेसको नेतृत्वमा गठबन्धन सरकारले पुणर्ता नपाँउदै दाङ जिल्लामा ढुंगा, गिट्टी,बालुवा ब्यावसायीहरुलाई काखा र पाखा गरेको निति अबलम्बन गरिएको प्रस्टै छ ।

राजश्व दाखिला गरि काम गरेका ब्यावसायीहरुको भन्दा चोरबाटाको प्रयोग गरी धन्दा गर्नेहरुको हालीमुहाली मौलाएपछि सरोकारवाला र स्थानियहरु चिन्तित भएका हुन् ।

राजश्व छली ढुंगा, गिट्टी, बालुवा दनादन बिक्री गर्ने क्रम रोकिएको छैन् । राजपुर गापाका अध्यक्ष केसीको आडमा गरिएको यस्तो धन्दाको पछाडि जिल्लाका केहि कांग्रेसी नेताहरु र जिल्ला प्रहरी प्रमुख एसपी  सुरेश काफ्लेको पनि साथ रहेको समाचार स्रोतले जनाएको छ ।

एसपी काफ्ले समेत प्रलोभनमा परि  नियम कानुनलाई पन्छाएर स्वार्थी समुहको निर्देशनलाई हस बहादुरको निति अघि सारेको आरोप लागेको छ ।

केसी निर्माण सेवाले यसरी छल्यो राजस्व
दाङ जिल्लाको राजपुर गाउँ पालिका वार्ड ३ प्रतापपुर अन्तरगत रहेको नदिजन्य पदार्थमा करोड भन्दा बढि राजश्व छली गर्ने कार्यले तिब्रता पाएको छ ।

केसी निर्माण सेवाले राजश्व छली ५८ हजार घनमिटरको ढुंगा, गिट्टी, बालुवा ओसार्ने काम गरेको आरोप छ । सम्झौता अनुसार २० हजार ७ सयमा रहेको थियो ।

खडक कृष्ण निमार्ण सेवाले उक्त नदिजन्य पदार्थ प्रयोग गरेको थियो ।

समाचार स्रोतका अनुसार १ करोड ८५ लाख भन्दा बढि राजश्व रकम दाखिला नगरि नदिजन्य पदार्थ ओसारपसार भएसँगै तत्कालिन समयमा अध्यक्ष केसीको पुत्ला दोहन समेत भएको थियो । ५ महिना कार्यपालिको बैठक समेत बस्न सकेको थिएन न्यूज अभियान डट कममा समाचार छ ।

यती ठुलो राजश्व छली कार्यलाई दवाएर तत्कालिन कागजात समेत गुपचुप गराएकोमा स्थानियहरु आका्रेशित भएका छन् । उक्त लुट धन्दामा वडा नं ६ का अध्यक्ष श्याम बहादुर रोकाले गम्भिर असहमती प्रकट गरेका थिए ।

कार्यपालिका बैठकबाट राजश्व असुल्ने भनि बहुमत सदस्यबाट निर्णय भएको थियो । तर अध्यक्ष केसी राजश्व असुल नगरि ब्यक्तीगत लाभ लिएको आरोप लागेको छ ।

यस बिषयमा गम्भिर रुपमा छानबिन गरि अनुसन्धान हुनु पर्ने स्थानियहरुको माग छ । दाङमा अनुमति भन्दा बढी बालुवा(ढुंगा उत्खनन हुनुलाई सामान्य मानिन्छ ।

दाङ राजश्व कार्यलयले यसरी कर छली गर्नेहरु माथी निगरानी राखी कागजात नियन्त्रणमा लिई कानुनी प्रक्रिया अघि बढाउनु पर्ने माग उठेको छ ।  (अभियान टाईम्स साप्ताहिकबाट साभार गरिएको )