सीईडीबी हाइड्रोपावरले निष्काशन गरेको प्राथमिक सेयर (आईपीओ)को बाँडफाँड भएको छ । सेयर निष्काशन तथा बिक्री प्रबन्धक सनराइज क्यापिटलले आज अनलाइन मार्फत उक्त आईपीओ बाँडफाँड गरेको हो ।

क्यापिटलका अनुसार कूल आवेदकमध्ये २ लाख ३४ हजार १९५ जनाले कम्पनीको सेयर हात पारेका छन् । उनीहरुलाई १०/१० कित्ताको दरले २३ लाख ४१ हजार ९५४ कित्ता सेयर बाँडफाँड गरिएको क्यापिटलले जनाएको छ ।
कम्पनीले सर्वसाधारणमा २३ लाख ४१ हजार ९५४ कित्ता सेयर निष्काशन गरेको थियो । जसमा सर्वसाधारण तर्फबाट १०.५२ गुणा बढी आवेदन परेको थियो ।