नेशनल लाइफ इन्स्योरेन्स कम्पनीको ३२औं बार्षिक साधारणसभाले १० प्रतिशत बोनस सेयर पारित गरेको छ।

सभाले कर प्रयोजनका लागि एक करोड ६२ लाख २४ हजार रुपैयाँ बराबरको नगद लाभांशसमेत पारित गरेकोछ ।

सञ्चालक समिति अध्यक्ष प्रेमा सिंहको अध्यक्षतामा भएको साधारणसभामा उनले बार्षिक प्रतिवेदन प्रस्तुत गरेकी थिइन्। उनले कुल बीमा शुल्क संकलन गत बर्षको तुलनामा करिव २५ प्रतिशतले बृद्धि भइर ८ अर्ब ५ करोड रुपैयाँ पुगेको बताइन्।

कम्पनीले ३५ करोड रुपैयाँ खुद मुनाफा आर्जन गरेको थियो। आर्थिक बर्ष २०७५/२०७६ को अन्त्यसम्ममा कम्पनीको कुल लगानी २८ प्रतिशतले बृद्धि भइर २६ अर्ब ८१ करोड रुपैयाँ पुगेको र बीमा कोष गत बर्षको तुलनामा २५ प्रतिशतले बढेर २६ अर्ब ९२ करोड पुगेको सिंहले जानकारी दिइन्। कम्पनीले २ अर्ब ६९ करोड रुपैयाँ दाबी भुक्तानी गरेको छ।

चालु बर्षको बोनससमेत गरेर कुल चुक्ता पुँजी ३ अर्ब ३९ करोड नाघेको छ। कम्पनीले २५ वटा नयाँ शाखा खोल्न स्वीकृति पाएर संख्या ९९ पुगेको छ