सरकारी जग्गा त्यस माथी भीभीआईपी (VVIP)हरुको निवाससंगै जोडिए बालुवाटारको ललिता निवास जग्गा भू–माफियाहरुले व्यक्तिका नाममा ल्याए लगतै १७ बैंकहरुले कर्जा दिएको देखिन्छ ।

उक्त ललिता निवास सरकारले आफ्नो नाममा पछिल्लो समय ल्याएपछि भू–माफियासंग मिलि बैंकहरुले दिएको २ अर्ब ५ करोड कर्जा मध्ये १ अर्ब ८ करोड फसेको फेला परेको छ ।

नेपाल राष्ट्र बैंकले २ वर्ष अगाडी नै बैंक र वित्तिय संस्थाहरुसंग ललिता निवासमा कर्जा दिने बैंकहरुको विवरण मागेको थियो । विवरण पाएपछि राष्ट्र बैंक बेखबर बन्नुले जनताको डिपोजिट डुब्ने देखिन्छ । यो राम्रो पक्ष होइन ।

नेपालको ठूलो बैंक नेपाल इन्भेष्टमेण्ट बैंकले ललिता निवास धितो राखी पुरुषोत्तम पौडेललाई १ अर्ब १७ करोड कर्जा दिएको मध्ये अझै ४९ करोड भन्दा बढि उठाउन बाँकी रहेको फेला परेको छ । यस्तै प्रभु समूहको ठूलो लगानी रहेको प्रभु बैंक लिमिटेडले भाटभटेनी सुपर स्टोर्सलाई दिएको १२ करोड मध्ये ५ करोड १३ लाख नउठेको राष्ट्र बैंक उच्च स्रोतको दाबी छ । अर्को सिभिल बैंकको मन्त्ती गोखालीलाई दिएको २९ करोड ९ लाखमा २२ करोड उठ्न बाँकी देखिन्छ । अर्को सिटिजन्स बैंकको ५ करोड ७२ लाखमा ४ करोड नै उठ्न बाँकी रहेको खुलेको छ ।

अर्को एनसीसी बैंकको विष्णु केसी र आशा पौडेललाई दिएको ४ करोड ४२ लाख मध्ये ३ करोड भन्दा बढि उठेको छैन । यस्तै लक्ष्मी बैंकको भाटभटेनी सुपर स्टोर्सलाई दिएको ४ करोड मध्ये ३ करोड भन्दा बढि कर्जा उठाउन बाँकी रहेको छ । अर्को नेपालकै ठूला शाखा सञ्जाल भएको एनआईसी एशिया बैंक लिमिटेडले अटो टे«डिङ प्रा.लि.लाई दिएको ४ करोड ५० लाखमा २ करोड भन्दा बढि उठ्न बाँकी रहेको राष्ट्र बैंकको एक उच्च अधिकृतले पंक्तिकारसंग टेलिफोनमा बताए । यस्तै प्राइम कर्मशियल बैंकको ४ करोडमा ७८ लाख उठ्न बाँकी देखिन्छ । बैंकले हितु नेपाललाई ललिता निवास धितो राखी कर्जा दिएको थियो ।

यता चन्द्र ढकाल अध्यक्ष रहेको ग्लोबल आईएमई बैंकले ३ करोड ७४ लाख उमाकुमारी ढकाल जो भू–माफिया शोभाकान्त ढकालकी श्रीमती हुन् । उनीलाई दिएको ३ करोड ७४ लाख मध्ये ३ करोड ७४ लाख नै उठ्न बाँकी रहेको खुलेको छ । यी सबै कर्जा माथिका बैंकहरुले प्रोभिजन गरेको राष्ट्र बैंक उच्च स्रोतको दाबी छ । यी कर्जा उठ्नेमा अब शंका देखिन्छ । यी कर्जा नउठे जनताको डिपोजिट डुब्ने र बैंक र वित्तिय संस्था प्रति नकारात्मक सन्देश जाने देखिन्छ ।

यस्तै माछापुच्छ्रे बैंकको २ करोड ७४ लाख, बिना लामा र कमल तामाङलाई दिएको कर्जा उठ्न बाँकी छ । अर्को महालक्ष्मी विकास बैंकको हेम बहादुर गुरुङलाई दिएको १ करोड ६५ लाख १ करोड ७५ लाख अझै उठेको देखिदैन । महालक्ष्मी बैंककै उमाकुमारी ढकाललाई दिएको ४९ करोड ८० लाख मध्ये पुरै कर्जा उठ्न बाँकी रहेको राष्ट्र बैंक उच्च स्रोतको दाबी छ ।

यता तत्कालीन कैलास बिकास बैंकको सीइओ कृष्णराज लामिछाने नबिन पौडेललाई दिएको ७५ लाख सबै कर्जा उठ्न बाँकी देखिन्छ । अर्को सरकारी स्वमित्वको बैंक नेपाल बैंकले भारती पाण्डेलाई दिएको २५ लाखमा ४ लाख उठ्न बाँकी देखिन्छ । अर्को तत्कालीन देवःविकास बैंकले नृतन श्रेष्ठलाई दिएको ३ लाख १० हजार सबै उठ्न बाँकी देखिन्छ । तर, राष्ट्र बैंकका नयाँ गर्भनर महाप्रसाद अधिकारी किन चुप चाप छन् । यसको खोजी जरुरी देखिन्छ । बैंक र विकास बैंकमा नेपाली जनताको शेयर र डिपोजिट छ । उनीहरुकै सम्पत्तीबाट सरकारी जग्गा धितो राखी दिएको कर्जा उठाउन राष्ट्र बैंकले पहल गर्नु पर्दछ कि पर्दैन ।