काठमाडौं उपत्यकाका निषधाज्ञ लागू भएपछि उपत्यका भित्र बाणिज्य बैंकहरुले ८ वटा शाखा खोल्ने भएका छन् । नेपाल बैंकर्स संघले एउटा बाणिज्य बैंकले काठमाडौंमा ५ वटा, ललितपुरमा २ वटा र भक्तपुरमा एक वटा शाखा खोल्ने सहमति गरेको जनाएको छ । एउटा बैंकले ८ उपत्यकामा आफ्ना ८ वटा शाखा खोल्ने सहमति संघका कार्यसमिति सदस्य तथा एनएमबि बैंकका प्रमुख कार्यकारी अधिकृतले आर्थिक न्युजडटकमलाई जानकारी दिए ।

बैंकहरुले आफ्ना सिमिति शाखा खोल्ने र कर्मचारीलाई पनि आलोपालो खटाउने रणनीति बनाएको पनि उनले जानकारी दिए । कर्मचारीहरुले कार्यालयको परिचयपत्र देखाएर आवत जावत गर्न पाउने व्यवस्था रहेकाले पनि लकडाउनमा भन्दा सहज हुने उनले अपेक्षा व्यक्त गरे । तर कोरोनाको जोखिम बढेकाले सकेसम्म डिजिटल कारोबारमा सहभागी हुन अपिल पनि गरे ।

राष्ट्र बैंकले निषेधाज्ञा अवधीमा बैंकिङ सेवा प्रवाहका लागि बैंक तथा वित्तिय संस्थाहरुलाई पाँच बुदे निर्देशन जारी गरेको छ ।  राष्ट्र बैंक अनुसार विद्यिुतिय माध्यमबाट कारोबार गर्न नागरिकलाई प्रोत्साहन गर्ने, नगद झिक्ने र राख्ने तथा अत्यावश्यक सेवा खरिद बिक्रिका लागि एलसी लगायतका सेवा सुचारु राख्न भनेको छ ।

त्यस्तै, टीटी खोल्ने लगायतका सेवा प्रदान गर्न सिमित शाखाहरु सिमित अवधीका लागि खोल्ने व्यवस्था मिलाउन निर्देशन दिएको हो । त्यस्तै, खुल्ने तथा बन्द रहने शाखाहरुको विवरण बैंकको वेभसाइटमा राख्नुपर्ने नियम पनि राष्ट्र बैंकले लगाइदिएको छ ।

अन्तराष्ट्रिय व्यापारसँग सम्बन्धी काम यस अवधिमा पनि नरोकिने उनले बताए । अन्तराष्ट्रि व्यापारका लागि बैंकहरु सबैले आफ्नो सेवा खुला राख्ने निर्णय भएको उनले बताए ।