तिम्रो यो आगमन संगै
मलाई भयानक डर छ
भित्ताले नयाँ क्यालेन्डर देख्दा
परदेशीले घरको आगन देख्छ देख्दैन् ?
क्यालेन्डर संगै कति फोटाहरू झुन्डिएलान् भनेर?

मलाई तिमी आउनु संग उत्साह छैन्
जस्तो भइरहेको छ कसैले मास्क ल्याउदा
गरिबको पेटमा भोक बल्दा कसैले रासन ल्याउदा
अझ भनु सेता कपडाका भगवान देख्दा

यता तिमी भन्दा पनि नौलो भएको छ
पसलमा झुण्डाएको स्कुलले झोला
गाता हाल्दा मीठो बास्ना आउने ती किताब
अझ भनु पिजडाको चरी जस्तो मान्छे

अझ तिमी भन्दा पनि छिटो
कति हो कति गुणा छिटो आएकोछन् मृत्युको हुरी
र अकालमै उडाइ रहेकोछ सुन्दर जिन्दगी

मेरो बिन्ती छ नयाँ बर्ष
यो धर्तीमा आसुका इन्द्रावती नबगाइदेउ है
सुन्दर बगैंचाहरू,सडकहरूलाई चिहान नबनाइदेउ है

तर मलाई आशा छ
नयाँ बर्ष तिमी अमृत भनेर आउनेछौं ।