• होमपेज
  • वाणिज्य बैंक
  • सिटिजन्स बैंकको नयाँ शाखा सुर्खेतमा

सिटिजन्स बैंकको नयाँ शाखा सुर्खेतमा

  • आइतबार, चैत्र ९, २०७६
सिटिजन्स बैंकको नयाँ शाखा सुर्खेतमा

सिटिजन्स बैंक इन्टरनेसनल लिमिटेडको नयाँ शाखा सुर्खेतमा सञ्चालन भएको छ । बैंकले विरेन्द्र नगरपालिका वार्ड न ६, सुर्खेत स्थित आफ्नै सुविधा सम्पन्न भवनमा स्थानान्तरण गरि बैंकिंग कारोबार सञ्चालनमा लयाएको हो ।

आफ्नै सुविधा सम्पन्न भवनबाट थप छिटो, छरितो, चुस्त र दुरुस्त रूपमा ग्राहकहरुलाई बैंकिंग सेवा प्रदान गर्ने उदेश्यले सुर्खेतलाई केन्द्रविन्दु बनाएर सञ्चालनमा ल्याएको हो ।

क्रियाशील रहेका गैर सरकारी संस्थाहरुको आर्थिक कारोवारलाई सहजिकरण गर्न यस शाखाले विभिन्न योजनाहरु  संचालन गर्दै आएकोमा त्यसलाई थप प्रभावकारी र परिस्कृत गर्न विभिन्न आकर्षक योजनाहरु आफ्नै सुविधा सम्पन्न भवनबाट संचालन गर्ने बैंकले जनाएको छ । आयात, निर्यात, व्यापार तथा अन्य व्यवसायिक क्षेत्रमा प्रचुर सम्भावना रहेको र यसलाई टेवा पु¥याँउने हेतुले विभिन्न नयाँ योजनाहरु प्रभावकारी ढंगले संचालन गर्ने बैंकले विश्वास लिएको छ ।

सिटिजन्स बैंक इन्टरनेसनल लिमिटेडले देशैभरी फैलिएका आफ्ना ९४ वटा शाखा, ९४ वटा एटिएम र १०३ वटा शाखा रहित बैंकिङ्ग एकाईहरुबाट करिव पाँच लाख ग्राहकवर्गलाई आधुनिक बैंकिङ्ग सेवाहरु प्रदान गर्दै आएको छ ।

कोरोना भाइरसले सृजना गरेको विषम परिस्थितिको जोखिम न्यूनिकरणका लागि नेपाल सरकारले गरेको रोकथाम तथा नियन्त्रणको प्रयासलाई टेवा पुर्याउने उद्देश्यले बैंकले इन्टरनेट तथा मोबाइल बैंकिङ्ग लगायतका विद्युतिय माध्यमबाट गरिने भुक्तानीका सबै सेवाहरू निःशुल्क गरेको छ ।

यस साथ साथै नोट तथा अत्याधिक भिडभाडबाट कोरोना भाइरसको संक्रमण बढ्न सक्ने खतरालाई मध्यनजर गर्दै बैंकले यस बैंकको एटिएम कुनै पनि बैंकको एटिएममा प्रयोग गर्दा शुल्क नलाग्ने व्यवस्था गरेको छ  ।

Facebook Comments

सम्बन्धित समाचार